முத்த மழை சர்ச்சை பற்றி எதுவும் பேசாத தீ - Dhee didnt say anything about the Muththa Mazhai controversy

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'முத்த மழை' சர்ச்சை பற்றி எதுவும் பேசாத தீ

09 ஜூன், 2025 - 01:03 IST

எழுத்தின் அளவு:

'தக் லைப்' படம் வெளிவந்து அது பற்றிய விமர்சனங்கள், கமெண்ட்டுகள், மீம்ஸ்கள் ஆகியவற்றை நேற்றுடன் ஏறக்குறைய முடித்துவிட்டார்கள் ரசிகர்கள். அடுத்து எந்த பெரிய படம் வெளிவரும், அதுவரை காத்திருப்போம் என சமூக வலைதள பயன்பாட்டாளர்களும் காத்திருக்கிறார்கள்.

அதே சமயம் 'தக் லைப்' படத்தின் வெளியீட்டிற்கு முன்பு ஒரு பரபரப்பை ஏற்படுத்திய 'முத்த மழை' பாடல், வெளியீட்டிற்குப் பிறகும் ஒரு பரபரப்பை ஏற்படுத்தியது. தமிழில் தீ பாடிய பாடல், படத்திலேயே இல்லாமல் போய்விட்டது. ஆனால், மேடையில் பாடிய சின்மயி-ன் பாடல் படத்தின் ஆடியோ வடிவங்களில் இடம் பெற்றுவிட்டது. படத்தில் பாடல் இல்லாதது தீ-க்கு ஏமாற்றமும், ஆடியோ பட்டியலில் சேர்ந்துவிட்டதே என்ற மகிழ்ச்சியும் சின்மயிக்குக் கிடைத்தது.

தீ பாடியது சிறப்பாக இருந்ததா, சின்மயி பாடியது சிறப்பாக இருந்ததா என்ற சர்ச்சை மட்டும் இன்னமும் போய்க் கொண்டிருக்கிறது. இலங்கையில் பிறந்து, ஆஸ்திரேலிய நாட்டின் குடியுரிமை வைத்திருக்கும் தீ-க்கு படத்தின் இசை வெளியீட்டு விழாவில் கலந்து கொள்ள விசா கிடைக்காமல் போனதால்தான் அவர் வந்து பாட முடியவில்லை என்ற ஒரு தகவல் வெளியாகி உள்ளது.

இவ்வளவு சர்ச்சைகள் வந்த பின்பும் பாடல் பற்றி சமூக வலைதளங்களில் எந்த ஒரு பதிவும் தீ போடாமல் இருப்பது ரசிகர்களுக்கு ஆச்சரியத்தை ஏற்படுத்தியுள்ளது.

Muththa Mazhai

Dhee

Chinmayi

ThugLife

கருத்துகள் (0) கருத்தைப் பதிவு செய்ய

ஒன்றரை லட்ச ரூபாய் 'டி ஷர்ட்' ...

விஜய் மில்டன் படத்தில் சுனில்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய