Dinamalar

புதிய காட்சிகளுடன், நாளை 'லால் சலாம்' ஓடிடி ரிலீஸ்

ஐஸ்வர்யா ரஜினிகாந்த் இயக்கத்தில், ஏஆர் ரஹ்மான் இசையமைப்பில், ரஜினிகாந்த் சிறப்புத் தோற்றத்தில் நடிக்க, விஷ்ணு விஷால், விக்ராந்த் மற்றும் பலர் நடித்த படம் 'லால் சலாம்'. இப்படம் கடந்த வருடம் வெளிவந்தது. தமிழில் ஒரு படம் வெளியான பின் நான்கு வாரங்களில் ஓடிடியில் வெளியாகும். ஆனால், இந்தப் படத்தை யாரும் வாங்க முன்வரவில்லை என்ற ஒரு செய்தி வெளியாகியது.

அதன்பின் விரைவில் ஓடிடி ரிலீஸ், என தகவல் வெளியாகி அதுவும் அதிகாரப்பூர்வ அறிவிப்பாக இல்லாமல் தகவலாகவே கடந்து போனது. இந்த முறை அதிகாரப்பூர்வ அறிவிப்புடன் படத்தை நாளை ஓடிடி தளத்தில் வெளியிடுகிறார்கள்.

இந்தப் படம் வெளியாவதற்கு முன்பே படத்தின் முக்கிய காட்சிகள் அடங்கிய 'ஹார்ட் டிஸ்க்' காணாமல் போனது என்ற பரபரப்பு ஏற்பட்டது. அதன்பின் இருக்கும் காட்சிகளைத் எடிட் செய்து படத்தை வெளியிட்டார்கள். படம் எதிர்பார்த்த வரவேற்பைப் பெறவில்லை. அதற்கு காணாமல் போன ஹார்ட் டிஸ்க்கும் ஒரு காரணம் என படக்குழுவினர் சொன்னார்கள். படம் வெளியான சில மாதங்களுக்குப் பிறகு அந்த ஹார்ட் டிஸ்க் கிடைத்துவிட்டதாகச் செய்திகள் வந்தன.

தற்போது அந்த ஹார்ட் டிஸ்க்கிலிருந்து காட்சிகளையும் சேர்த்து, புதிய காட்சிகளுடன்தான் நாளைய ஓடிடி ரிலீஸ் இருக்கப் போகிறதாம். எனவேதான் ஓடிடி அறிவிப்பில் 'நீட்டிக்கப்பட்ட பதிப்பு' என்ற வார்த்தை இடம் பெற்றுள்ளது.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...