Dinamalar

விஷால், சாய் தன்ஷிகா வயது வித்தியாசத்தை ஆராயும் ரசிகர்கள்!!

சினிமா நடிகர்கள், நடிகைகளின் தனிப்பட்ட வாழ்க்கை பற்றி ஏதாவது ஒரு தகவல் வெளியானால் அது மிகவும் பரபரப்பாகி விடுகிறது. காலம் காலமாக இது இருந்து வருகிறது. இருந்தாலும் இன்றைய டிஜிட்டல் யுகத்தில் என்னென்னவோ தேடித் துருவி எடுத்து அதை வீடியோவாக வெளியிட்டு பார்வைகளை அள்ள வேண்டும் என்ற ஒன்றுதான் பிரதானமாக இருக்கிறது.

கடந்த வாரம் ரவி மோகன், கெனிஷா இருவரும் திருமண நிகழ்வு ஒன்றில் ஜோடியாகக் கலந்து கொண்டது மிகவும் வைரலானது. அதன்பின் ரவி மோகன் விளக்க அறிக்கை, அவரது மாமியார் தயாரிப்பாளர் சுஜாதா விளக்க அறிக்கை என அது விஸ்வரூபம் எடுத்தது.

இந்த வாரத்திற்கான பரபரப்பாக நடிகர் விஷால், நடிகை சாய்தன்ஷிகா திருமண அறிவிப்பு நேற்று வெளியாகி பரபரப்பை ஆரம்பித்து வைத்துள்ளது. இருவரும் ஒரு படத்தில் கூட ஒன்றாக சேர்ந்து நடித்ததில்லை. அப்புறம் எப்படி இருவருக்குள்ளும் காதல் மலர்ந்தது என்று ரசிகர்கள் யோசித்தார்கள். தங்களுக்குள் 15 வருடங்களாகப் பழக்கம் என்று சாய் தன்ஷிகா நேற்று பேசியிருந்தார்.

இதனிடையே, விஷால் வயது என்ன ? சாய் தன்ஷிகா வயது என்ன ? இருவருக்கும் இடையே வயது வித்தியாசம் என்ன என்று சமூக வலைத்தளங்களில் ஆராச்சி செய்ய ஆரம்பித்துவிட்டார்கள் ரசிகர்கள்.

விஷால் பிறந்தநாளான ஆகஸ்ட் 29 அன்று அவர்களது திருமணம் நடைபெற உள்ளது. அன்று விஷாலுக்கு 48 வயது நிறைவடைகிறது. சாய் தன்ஷிகவுக்கு தற்போது 35 வயது முடிந்துள்ளது. இருவருக்குமான வயது வித்தியாசம் 13.

இதற்கு முன்பு விஷாலின் நெருங்கிய நண்பரான நடிகர் ஆர்யா, நடிகை சாயிஷா இருவரும் காதல் திருமணம் செய்து கொண்ட போது கூட இருவருக்கும் இடையிலான வயது வித்தியாசம் 17 வருடங்களாக இருந்தது குறித்து நிறையவே விமர்சனங்கள் வெளிவந்தன.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  பிரேம் குமார், பஹத் பாசில் படம்... "இன்னொரு ஆவேசம்" தயாரிப்பாளர் தந்த ...
• 
  அருள்நிதி, முத்தையா கூட்டணியில் ‛ராம்போ'.. புதிய பட அறிவிப்பு!
• 
  ‛ஜனநாயகன்' படத்தின் முதல் பாடல் வெளியீட்டை தள்ளி வைக்கும் விஜய்!
• 
  ‛காந்தாரா: சாப்டர் 1' படத்திற்காக 3 ஆண்டுகள் அர்ப்பணிப்பு: ரிஷப் ஷெட்டி
• 
  கல்கி -2 படத்தில் தீபிகா படுகோனேவுக்கு பதிலாக இணையும் சாய் பல்லவி!