Dinamalar

நடிகை என்பதை தாண்டி வேறு எதையும் நினைக்கவில்லை: 45 ஆண்டு சினிமா பற்றி குஷ்பு

ஹிந்தி படங்களில் குழந்தை நட்சத்திரமாக நடித்து வந்த குஷ்பு, தமிழில் 'வருஷம் 16' படத்தின் மூலம் நாயகியாக அறிமுகமானவர். 90களில் தமிழ் சினிமாவின் முன்னணி கதாநாயகியாக கலக்கிய குஷ்பு, ரஜினிகாந்த், கமல்ஹாசன், விஜயகாந்த், சத்யராஜ், பிரபு, சரத்குமார் போன்ற பல முன்னணி நடிகர்களுக்கு ஜோடியாக நடித்துள்ளார். அதேபோல சிறிய நடிகர்களுக்கும் ஜோடியாக நடித்துள்ளார்.

சின்னத்திரையிலும் தனது ஆதிக்கத்தை செலுத்திய குஷ்பு, தற்போது சினிமாவில் குணசித்ர வேடங்களில் நடித்து வருகிறார். சினிமாவில் குஷ்பு காலடி எடுத்து வைத்து 45 ஆண்டுகள் நிறைவடைந்துள்ளது. இதையொட்டி குஷ்பு தனது இன்ஸ்டாகிராம் பக்கத்தில் நேற்று வெளியிட்ட பதிவில் கூறியிருப்பதாவது:

7 வயதில் குழந்தையாக நடிக்க தொடங்கிய நான், இன்று 45 ஆண்டுகளை கடந்துள்ளேன். உற்சாகமான இந்த பயணத்தில் நிறைய விஷயங்களை கற்றுள்ளேன். என்னுடன் இணைந்து நடித்த நடிகர்கள், தொழில்நுட்ப கலைஞர்கள் அத்தனை பேருமே சிறப்பானவர்கள்.

ஒரு நடிகை என்பதை தாண்டி வேறு எதையுமே என்னால் நினைக்க முடியவில்லை. இந்த மாபெரும் பயணத்தில் எனக்கு உறுதுணையாக இருந்தவர்கள், எனக்கு ஆதரவு தந்தவர்கள், ஊக்குவித்தவர்கள், விமர்சித்தவர்கள், கற்றுக்கொடுத்தவர்கள், அன்பு செலுத்தியவர்கள் எல்லாவற்றையும் விட என்னை நம்பியவர்கள் அத்தனை பேருக்கும் நன்றி. இனியும் எனது சிறப்பான பங்களிப்பை தொடர்ந்து வழங்குவேன்.

இவ்வாறு குஷ்பு பதிவிட்டுள்ளார்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!