Dinamalar

மீனாட்சி சவுத்ரி எடுத்த முடிவு

தமிழ், தெலுங்கில் மீடியம் பட்ஜெட் படங்களில் நடித்துக் கொண்டிருந்தவர் மீனாட்சி சவுத்ரி. 'கொலை' படத்தில் விஜய் ஆண்டனியுடனும், 'சிங்கப்பூர் சலூன்' படத்தில் ஆர்ஜே.பாலாஜியுடனும் நடித்தவர் அடுத்தகட்ட பாய்ச்சலாக 'கோட்' படத்தில் விஜய் ஜோடியாக நடித்தார். சமீபத்தில் வெளியான 'லக்கி பாஸ்கர்' படத்தில் துல்கர் சல்மான் ஜோடியாக நடித்தார். இதுதவிர 'மட்கா' படத்தில் வருண் தேஜ் ஜோடியாகவும், 'மெக்கானிக் ராக்கி' படத்தில் விஷ்வாக் சென் ஜோடியாகவும் நடித்தார்.

இந்த நிலையில் அவர் நடித்த லக்கி பாஸ்கர் படம் வெற்றி பெற்றாலும், படத்தில் அவர் துல்கர் சல்மான் மனைவியாகவும், ஒரு குழந்தைக்கு தாயாகவும் நடித்தது அவருக்கு திருப்தியாக அமையவில்லை. 'இளம் வயதிலேயே இப்படி முதிர்ச்சியான கேரக்டரில் நடிப்பது விரைவிலேயே உன்னை குணசித்ர நடிகையாக மாற்றி விடும்' என்று நண்பர்களும், நலம் விரும்பிகளும் வற்புறுத்தியதை தொடர்ந்து இனி மனைவியாக, அம்மாவாக நடிப்பதில்லை என்று முடிவு செய்திருக்கிறார். படம் புக் பண்ண வருகிறவர்களிடம் இந்த நிபந்தனையை முன்பே விதித்து விடுகிறார்.

இதுகுறித்து மீனாட்சி சவுத்ரி கூறுகையில், “சில படங்களில் நான் ஹீரோவுக்கு மனைவியாக நடித்து இருந்தேன். 'லக்கி பாஸ்கர்' படத்தில் துல்கர் சல்மான் மனைவியாக நடித்த எனக்கு பாராட்டுகள் கிடைத்தது என்றாலும், சிலர் என்னை பயமுறுத்தி வருகின்றனர். அதாவது, 'நடிக்க வந்த ஆரம்ப நிலையிலேயே மனைவி போன்ற கேரக்டரில் நடிக்காமல் இருப்பது மிகவும் நல்லது. அப்படி நடிப்பதற்கு இன்னும் சில காலம் இருக்கிறது. அதுவரை ரசிகர்களுக்குப் பிடித்த இளமையான கேரக்டர்களில் நடிக்க வேண்டும்' என்று சொல்கின்றனர். எனவே, இனிமேல் ஹீரோவுக்கு மனைவியாக நடிக்க வேண்டும் என்று யாராவது கேட்டால், அதில் நடிக்கக்கூடாது என்று முடிவு செய்துள்ளேன். அதிரடி ஆக்ஷன் படத்தில் நடிக்க ஆர்வமாக இருக்கிறேன். என்றார்.

• 
  வி சாந்தாராம் பயோபிக்கில் ஜெயஸ்ரீ கதாபாத்திரத்தில் தமன்னா
• 
  வசூலைக் குவிக்கும் ரன்வீர் சிங்கின் 'துரந்தர்'
• 
  தர்மேந்திராவின் 90வது பிறந்தநாள் : ஹேமமாலினி உருக்கம்
• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்

• 
  ஜியோ ஹாட்ஸ்டார் தளத்தில் வெளியாகும் படங்கள், தொடர்கள் அறிவிப்பு
• 
  கடன் பிரச்னை இருந்தாலும் நிம்மதியாக தூங்குகிறேன்: சேரன் பேச்சு
• 
  100 முறை ஆர்ஆர்ஆர் பார்த்தேன் : ராம்சரணின் வீட்டிற்கே வந்து நெகிழ்ந்த ...
• 
  படம் ரிலீஸ் : சிறையில் இருந்தபடி ரசிகர்களுக்கு நடிகர் தர்ஷன் கோரிக்கை
• 
  உயர் நீதிமன்றத்திலும் நடந்ததை சொல்வேன் : நடிகை வழக்கு குறித்து நடிகர் ...