லோகேஷ் கனகராஜ் அந்த விஷயத்தில் தலையிடுவதில்லை : சிலாகிக்கும் நாகார்ஜுனா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25 நவ, 2024 - 05:48 IST

எழுத்தின் அளவு:

தமிழ் சினிமாவில் மிக குறுகிய காலகட்டத்தில் வெறும் ஐந்தே படங்களில் இயக்குனர் ஷங்கருக்கு அடுத்த இடத்தில் பேசப்படும்படியான மிகப்பெரிய வளர்ச்சியை தொட்டவர் இயக்குனர் லோகேஷ் கனகராஜ். விஜய், கமல் போன்ற முன்னணி நடிகர்களை வைத்து வெற்றி படங்களை கொடுத்த லோகேஷ் கனகராஜ், அடுத்ததாக தற்போது ரஜினிகாந்தை வைத்து கூலி என்கிற படத்தை இயக்கி வருகிறார். வழக்கம்போல இந்த படத்திலும் ரஜினியுடன் ஒரு மிகப்பெரிய நட்சத்திர பட்டாளத்தையே நடிக்க வைத்து வருகிறார் லோகேஷ் கனகராஜ்.

அதில் முக்கியமாக குறிப்பிடப்பட வேண்டியவர் என்றால் நடிகர் நாகார்ஜூனா தான். தமிழில் ரட்சகன், பயணம், தோழா என ஒரு சில படங்களில் மட்டுமே நடித்திருந்தாலும் அவரது ஆரம்பகால படங்களான உதயம், இதயத்தை திருடாதே படங்கள் எல்லாமே தமிழ் ரசிகர்களின் இதயத்தை திருடியவை தான். அந்த வகையில் தோழா படத்திற்கு பிறகு முற்றிலும் புதிய ஒரு கதாபாத்திரத்தில் மீண்டும் தமிழ் ரசிகர்களை சந்திக்க வருகிறார் நாகர்ஜுனா.

இந்த படத்தில் லோகேஷ் கனகராஜூடன் பணியாற்றிய அனுபவம் குறித்து சமீபத்தில் பகிர்ந்து கொண்ட நாகார்ஜுனா கூறும்போது, “லோகேஷ் கனகராஜ் உடன் வேலை பார்ப்பதில் நான் ரொம்பவே உற்சாகமடைகிறேன். அவர் திரைக்கதை உள்ளிட்ட மற்ற அனைத்திலுமே தான் அடுத்த தலைமுறை இயக்குனர் என்பதை நிரூபித்து வருகிறார். அவரது கதாபாத்திரங்களை நடிப்பது ரொம்பவே புதுமையாக இருக்கிறது. அதற்கான சுதந்திரத்தையும் அவர் கொடுக்கிறார். அங்கே எந்த ஒரு விதிமுறைகளும் இல்லை. ஒரு ஹீரோவிடமும் சரி, வில்லன்களிடமும் சரி நீங்கள் இப்படித்தான் நடிக்க வேண்டும், நடந்து கொள்ள வேண்டும் என ஒரு போதும் அவர் சொல்வதில்லை" என்று கூறியுள்ளார்.

Nagarjuna

Lokeshkanagaraj

Coolie

Rajinikanth

கருத்துகள் (0) கருத்தைப் பதிவு செய்ய

இன்னும் ஏழே நாளில் படப்பிடிப்பு ...

ரஹ்மான் எனக்கு அப்பா மாதிரி: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய