Dinamalar

'புஷ்பா 2' குழு: தேவி ஸ்ரீ பிரசாத் சமாதானம்

அல்லு அர்ஜுன், ராஷ்மிகா மந்தனா, பஹத் பாசில் மற்றும் பலர் நடிப்பில் உருவாகியுள்ள படம் 'புஷ்பா 2'. இப்படத்தின் டிரைலர் இரண்டு தினங்களுக்கு முன்பு வெளியாகி பெரும் வரவேற்பைப் பெற்றுள்ளது.

இப்படத்தின் பின்னணி இசையை பாடல்களுக்கு இசையமைத்த தேவி ஸ்ரீ பிரசாத் இசையமைக்கவில்லை என கடந்த பத்து நாட்களுக்கு முன்பு ஒரு சர்ச்சை எழுந்தது. இசையமைப்பாளர் தமன், சாம் சிஎஸ், அஜனிஷ் லோகநாத் உள்ளிட்ட இசையமைப்பாளர்கள் பின்னணி இசையமைக்கிறார்கள் என்ற தகவல் வெளியானது. இப்படத்தின் பின்னணி இசையில் தானும் பணியாற்றுவதாக தமன் தெரிவித்திருந்தார்.

இதனிடையே, 'புஷ்பா 2' டிரைலர் வெளியாவதற்கு முன்பாக சுமார் பத்து நாட்களாக அந்தப் படம் பற்றிய எந்த ஒரு பதிவையும் தனது சமூக வலைதளங்களில் பதிவிடுவதை தேவி ஸ்ரீ பிரசாத் தவிர்த்து வந்தார். டிரைலருக்கு அவர்தான் இசையமைத்தார் என்ற தகவலும் வெளியானது. டிரைலருக்குப் பெரும் வரவேற்பு கிடைத்துள்ள நிலையில் கடந்த இரண்டு நாட்களாக அது பற்றி பல பதிவுகளை போட்டு வருகிறார்.

அதோடு புஷ்பா 2 படக்குழுவுடன் தேவி ஸ்ரீ பிரசாத் இருக்கும் சமீபத்திய புகைப்படம் ஒன்றும் சமூக வலைதளங்களில் வெளியாகி உள்ளது. இப்படத்திற்கு பாடல்களை எழுதியுள்ள சந்திரபோஸ் அந்தப் புகைப்படங்களைப் பகிர்ந்துள்ளார். அதில் தயாரிப்பாளர் நவீன் எர்னெனி, இயக்குனர் சுகுமார், அல்லு அர்ஜுன், தேவி ஸ்ரீ பிரசாத், சந்திரபோஸ் உள்ளிட்டவர்கள் இடம் பெற்றுள்ளார்கள்.

இருந்தாலும் 'புஷ்பா 2' பின்னணி இசையயை யார் அமைக்கிறார்கள் என்பது குறித்து பட நிறுவனம் எந்த ஒரு அப்டேட்டையும் இதுவரை வெளியிடவில்லை.

• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை

• 
  'காந்தி டாக்ஸ்' முதல் 'வித் லவ்' வரை... இந்த வார ஓடிடி வெளியீடுகள்..
• 
  வருங்கால கணவருக்கு என்னென்ன தகுதிகள் இருக்க வேண்டும்! மீனாட்சி சவுத்ரி ...
• 
  ஜான்வி கபூரின் பிறந்தநாளில் வெளியிடப்பட்ட பெத்தி பட போஸ்டர்!
• 
  யோகி பாபுவின் 'கெணத்த காணோம்' படத்தின் டிரைலர் வெளியானது!
• 
  ரஜினி, கமல் இணையும் படம்: லதா ரஜினிகாந்த் சொன்ன தகவல்