Dinamalar

10 ஆயிரம் தியேட்டர்களில் 'கங்குவா' ரிலீஸ்?

சிவா இயக்கத்தில், தேவிஸ்ரீ பிரசாத் இசையமைப்பில், சூர்யா, திஷா பதானி, பாபி தியோல் மற்றும் பலர் நடிக்கும் 'கங்குவா' படம் பான் இந்தியா படமாக அடுத்த வாரம் நவம்பர் 14ம் தேதி உலகம் முழுவதும் வெளியாக உள்ளது. 2 டி, 3 டி முறையில் தமிழ், தெலுங்கு, கன்னடம், ஹிந்தி, மலையாளம், ஆங்கிலம், பிரெஞ்ச், ஸ்பானிஷ் உள்ளிட்ட மொழிகளில் வெளியாக உள்ள இப்படத்தின் டப்பிங் மற்ற மொழிகளில் ஏஐ தொழில்நுட்பம் மூலமும் டப்பிங் செய்யப்பட்டுள்ளது.

உலகம் முழுவதும் சுமார் 10000 தியேட்டர்களில் இப்படம் வெளியாக உள்ளதாக இப்படத்தின் தயாரிப்பு நிறுவனமான ஸ்டுடியோ க்ரீன் நிறுவனத்தைச் சேர்ந்த ஜி தனஞ்செயன் இத்தகவலை பத்திரிகையாளர் சந்திப்பு ஒன்றில் தெரிவித்துள்ளார். “தமிழகத்தில் 700 தியேட்டர்கள் ஏற்கெனவே உறுதி செய்யப்பட்டுள்ளது. தென்னிந்தியாவில் மட்டும் 2500 தியேட்டர்களுக்கு அதிகமாகவும், வட இந்தியாவில் 3000 முதல் 3500 தியேட்டர்கள் வரையிலும் ஒப்பந்தம் செய்துள்ளோம். அனைத்தையும் சேர்த்தால் 10000 தியேட்டர்கள் வரை வரும்,” எனக் கூறியுள்ளார்.

இந்திய சினிமாவில் இதுவரை வெளியான படங்களில் ஷாருக்கான் நடித்த 'ஜவான்' படம் 10000 தியேட்டர்களில் வெளியானது. அதற்கடுத்து, பதான் - 8000 தியேட்டர்கள், கேஜிஎப் 2 - 7000, 2.0 - 6900, பாகுபலி 2 - 6500, ஆர்ஆர்ஆர் - 6000, பிரம்மாஸ்திரா - 5000 தியேட்டர்களில் வெளியாகி உள்ளன.

• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்
• 
  ரூ.152 கோடி வசூலை கடந்த தனுஷின் தேரே இஸ்க் மே படம்
• 
  3 இடியட்ஸ் 2வது பாகத்தின் பணியில் ராஜ்குமார் ஹிரானி
• 
  ஒரே படத்தில் உயர்ந்த சாரா அர்ஜுன் சம்பளம்

• 
  திருப்பதியில் குடும்பத்துடன் சாமி தரிசனம் செய்த ரஜினிகாந்த்
• 
  வா வாத்தியார் : கை கொடுக்காமல் போன கார்த்தி
• 
  சாந்தனு, அஞ்சலி நாயர் நடிப்பில் ‛மெஜந்தா'
• 
  முதல் படம் திரைக்கு வரும் முன்பே 3 ஹிந்தி படங்களில் நடிக்கும் ஸ்ரீ லீலா!
• 
  ஜனவரி 1ம் தேதி முதல் புதுக்கட்டுப்பாடு : தியேட்டர் அதிபர் சங்கம் முடிவு