Dinamalar

மஞ்சும்மேல் பாய்ஸ் படம் பார்த்து கண்கலங்கிய ரஷ்ய ரசிகர்கள்

கடந்த பிப்ரவரி மாதம் மலையாளத்தில் சிதம்பரம் இயக்கத்தில் மஞ்சும்மேல் பாய்ஸ் என்கிற திரைப்படம் வெளியாகி மிகப்பெரிய வரவேற்பை பெற்றது. கொடைக்கானலுக்கு ஒரு குழுவாக சுற்றுலா செல்லும் கேரள இளைஞர்களில் ஒருவர் அங்குள்ள குணா குகையில் தவறி விழுந்துவிட அவரை காப்பாற்ற மற்றவர்கள் எடுக்கும் போராட்டம் தான் படத்தின் கதை. சிறிய பட்ஜெட்டில் எடுக்கப்பட்ட இந்த படம் மிகப்பெரிய அளவில் ரூ.200 கோடிக்கு மேல் வசூலை ஈட்டியது. அது மட்டுமல்ல பல சர்வதேச திரைப்பட விழாக்களிலும் கலந்து கொண்டு வருகிறது. அந்த வகையில் தற்போது ரஷ்யாவில் உள்ள சோச்சி நகரில் நடைபெற்று வரும் கினோபிராவோ சர்வதேச திரைப்பட விழாவில் இந்த படம் திரையிடப்பட்டுள்ளது.

இந்தியாவில் இருந்து போட்டி பிரிவில் கலந்து கொண்டுள்ள ஒரே திரைப்படம் இதுதான். இந்த படம் திரையிட்டு முடித்த பிறகு படம் பார்த்த ரசிகர்களில் பெரும்பாலானோர் கண் கலங்கினார்கள் என்றும் அதற்கு பிறகு நடந்த கேள்வி பதில் பகுதியில் படத்தின் மேக்கிங் குறித்தும் அந்த குகை உருவாக்கம் குறித்தும் நிறைய கேள்விகளை கேட்டனர் என்றும் அங்கிருந்தபடியே தனது சோசியல் மீடியா பக்கம் மூலமாக தகவலை வெளியிட்டுள்ளார் இயக்குனர் சிதம்பரம்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  வடமாநில இளைஞரை வெட்டிய போதை ஆசாமிகள் : மாரி செல்வராஜ் கடும் கண்டனம்
• 
  2025 முதல் வெற்றி 'மதகஜராஜா': கடைசி வெற்றி 'சிறை'
• 
  சூரியின் ‛மண்டாடி' படத்தில் இணைந்த இளம் நடிகர்!
• 
  ‛ஸ்பிரிட்' படத்தின் முதல் பார்வை எப்போது?
• 
  'பெத்தி' படத்தில் வயதான தோற்றத்தில் ஜெகபதி பாபு