Dinamalar

உதயநிதிக்கு பதில் அளிக்க 'ஏஞ்சல்' பட தயாரிப்பாளருக்கு கோர்ட் உத்தரவு

தற்போது அமைச்சராக இருக்கும் உதயநிதி ஸ்டாலின் முன்னர் சினிமாவில் நடித்துக் கொண்டிருந்த போது பெரும்பாலும் தனது சொந்த தயாரிப்பு படங்களிலேயே நடித்து வந்தார். அபூர்வமாக ஒரு சில படங்களில் மட்டுமே வெளி தயாரிப்பாளர்கள். அப்படியான ஒரு படம் 'ஏஞ்சல்'.

இந்தப் படத்தை ஓஎஸ்டி பிலிம் சார்பில் ராம சரவணன் தயாரித்தார். உதயநிதி ஜோடியாக ஆனந்தி, பாயல் ராஜ்புட் நடித்தனர். கே.எஸ் அதிகமான் இயக்கினார். 80 சதவீத படப்பிடிப்பு முடிந்த நிலையில் படம் டிராப் ஆகிவிட்டது.

இந்த நிலையில் தயாரிப்பாளர் ராம் சரவணன் 'படத்திற்கு உதயநிதி ஒத்துழைப்பு தராததால் தனக்கு பெரும் நஷ்டம் ஏற்பட்டு விட்டதாகவும் அதற்கு உதயநிதி இழப்பீடு தர வேண்டும் என்றும் ' நீதிமன்றத்தில் வழக்கு தொடர்ந்தார்.

அவர் தாக்கல் செய்த மனுவில் "உதயநிதி நாயகனாக நடிக்க ஏஞ்சல் என்ற படத்தை தயாரிக்க முடிவு எடுக்கப்பட்டு. அதன்படி 2018ம் ஆண்டு படப்பிடிப்பு துவங்கியது. 80 சதவீதம் படப்பிடிப்பு நிறைவடைந்துவிட்டது. 20 சதவீதம் படப்பிடிப்பு நடத்த வேண்டியுள்ள சூழலில், ஏஞ்சல் படத்தை நிறைவு செய்யாமல், மாமன்னன் படத்தில் நடித்த உதயநிதி, அந்த படமே தனது கடைசி படம் என அறிவித்திருந்தார்.

ஏஞ்சல் படத்திற்காக இதுவரை 13 கோடி ரூபாய் செலவிட்டுள்ள நிலையில், ஒப்பந்தப்படி, இன்னும் எட்டு நாட்கள் கால்ஷீட் தராமல் உதயநிதி புறக்கணித்து வருவதால், ஏஞ்சல் படத்தின் எஞ்சிய படப்பிடிப்பை நிறைவு செய்து தர வேண்டும், காலதாமதத்திற்காக 25 கோடி ரூபாய் இழப்பீடாக வழங்க வேண்டும்' என்று தனது மனுவில் குறிப்பிட்டிருந்தார்.

இந்த வழக்கை நிராகரிக்க வேண்டும் எனக் கோரி உதயநிதி ஸ்டாலின் சார்பில் உயர் நீதிமன்றத்தில் மனுத்தாக்கல் செய்யப்பட்டுள்ளது. இந்நிலையில் நேற்று இந்த மனுவை விசாரித்த நீதிமன்றம் உதயநிதி தாக்கல் செய்த மனுவுக்கு பதிலளிக்கும்படி, தயாரிப்பாளர் ராமசரவணனுக்கு உத்தரவிட்டு வழக்கு விசாரணையை செப்டம்பர் 23ம் தேதிக்கு தள்ளிவைத்து உத்தரவிட்டது.

• 
  அக்ஷய் குமாரின் இரண்டு தோல்விப் படங்கள், அடுத்த வாரம் ஓடிடியில்…
• 
  2025, ஆக., 14ம் தேதியில் வெளியாகும் ‛வார் 2'
• 
  திரிப்தி டிம்ரிக்கு மெஹந்தி போட்டுவிட்ட ராஜ்குமார் ராவ்
• 
  நான் ஒரு சின்ன நடிகர் : பாலிவுட் நடிகரை அதிர வைத்த பஹத் பாசில்
• 
  தேசிய விருது பெற்ற 'ஏஆர்எம்' பட நடிகையை ஞாபகம் வைத்து பாராட்டிய அக்ஷய் ...

• 
  ‛பிக்பாஸ் சீசன் 8' - கமலுக்கு பதில் களமிறங்கிய விஜய் சேதுபதி : கோலாகலமாய் ...
• 
  சிவகார்த்திகேயனுக்கு விஜய் அளித்த காஸ்ட்லி வாட்ச்!
• 
  ஜூனியர் என்டிஆர்.,-ஐ இயக்கும் நெல்சன்?
• 
  வெறுப்பு செய்தி! - நெட்டிசன்களுக்கு பிரியாமணி வைத்த வேண்டுகோள்!!
• 
  அக்டோபர் 18ல் வெளியாகும் விமலின் ‛சார்'