Dinamalar

காந்தி பெயர் வைத்தால் குடிக்க கூடாதா?: ‛தி கோட்' நிகழ்ச்சியில் வெங்கட் பிரபு கேள்வி

ஏஜிஎஸ் என்டர்டெயின்மென்ட் தயாரிப்பில், இயக்குனர் வெங்கட் பிரபு இயக்கத்தில் நடிகர்கள் விஜய், மோகன், பிரசாந்த், பிரபுதேவா, அஜ்மல், யோகி பாபு, நடிகைகள் சினேகா, மீனாட்சி சவுத்ரி, லைலா ஆகியோர் நடித்துள்ள படம் ‛தி கோட்'. இப்படத்தின் டிரைலர் நேற்று வெளியாகி ரசிகர்களிடம் வரவேற்பை பெற்றது. இதில் காந்தி என்ற கதாபாத்திரத்தில் நடித்துள்ள விஜய், மது அருந்துவது போன்ற காட்சிகளும் இடம்பெற்றது.

இது தொடர்பாக செய்தியாளர்கள் சந்திப்பில் இயக்குனர் வெங்கட் பிரபுவிடம் கேள்வி எழுப்பப்பட்டது. அதற்கு வெங்கட் பிரபு அளித்த பதில்: காந்தி என்ற பெயர் வைத்தால் குடிக்கக் கூடாது என்று உள்ளதா? என் நெருங்கிய நண்பரின் பெயர் கூட காந்தி தான். அவரை மையமாக வைத்து தான் கதையில் விஜய்க்கு காந்தி என பெயர் வைத்துள்ளேன். ஏன் குழப்பத்தை ஏற்படுத்துகிறீர்கள்?. இவ்வாறு அவர் பதிலளித்தார்.

மேலும் வெங்கட் பிரபு பேசியதாவது: இந்த கதையை முதலில் தயாரிப்பாளர் அர்ச்சனாவிடம் தெரிவித்தேன். நாங்கள் முதலில் கதையைப் பற்றி பேசினோம், பிறகு விஜயிடம் கதை சொல்லும் வாய்ப்பு கிடைத்தது. பின்பு படமாக நடந்தது. அமெரிக்காவின் எல்லையில் தான் இந்த படத்தின் படப்பிடிப்பை துவக்கினோம். டெட்பூல் & வால்வரின் போன்ற ஹாலிவுட் திரைப்படத்தில் பணியாற்றிய லோலா என்ற வி.எப்.எஸ் கம்பெனி மூலமாகத்தான் இந்த படத்தின் வி.எப்.எக்ஸ் காட்சிகள் அமைந்துள்ளன.

நடிகர் அஜித், கோட் படத்தின் டிரைலரை பார்த்துவிட்டு ‛டேய் சூப்பரா இருக்குடா. விஜய்க்கம், படக்குழுவுக்கும் என்னோட வாழ்த்துகள் சொல்லிருடா'னு மெசேஜ் பண்ணாரு. படம் பார்த்து முடித்தவுடன் இந்த படத்தின் பாடல்கள் எல்லோருக்கும் பிடித்துவிடும். அந்த வகையில், விஷூவல் ட்ரீட்டாக இருக்கும். எந்த ஒரு இடத்திலும் முகம் சுழிக்காத வகையில் இந்த திரைப்படம் இருக்கும். இவ்வாறு அவர் பேசினார்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு