Dinamalar

சண்முக பாண்டியனின் ‛படை தலைவன்' : ராகவா லாரன்ஸ் நடிக்காதது ஏன் - இயக்குனர் விளக்கம்

மறைந்த நடிகர் விஜயகாந்த்தின் இளைய மகன் சண்முக பாண்டியன். அப்பாவை போல் சினிமாவில் ஆர்வம் உள்ள இவர் ‛சகாப்தம்' படத்தில் ஹீரோவாக அறிமுகமானார். தற்போது அன்பு இயக்கத்தில் ‛படை தலைவன்' என்ற படத்தில் நடித்து வருகிறார். யானையை பின்புலமாக வைத்து இந்தப்படம் தயாராகிறது.

விஜயகாந்த் இறந்த சமயத்தில் சண்முக பாண்டியன் உடன் ஒரு படத்தில் நடிக்க தயார் என அறிவித்திருந்தார் நடிகர் ராகவா லாரன்ஸ். அதன்படி படை தலைவன் படத்தில் இவர் சிறப்பு வேடத்தில் நடிப்பதாக அறிவிக்கப்பட்டது. ஆனால் நடிக்கவில்லை. மாறாக விஜயகாந்த்தையே ஏஐ தொழில்நுட்பம் மூலம் நடிக்க வைத்துள்ளனர்.

ராகவா லாரன்ஸ் இந்த படத்தில் நடிக்காதது பற்றி பல்வேறு தவறான தகவல்கள் பரவி வருகின்றன. இதுபற்றி இயக்குனர் அன்பு வெளியிட்ட அறிக்கை : சண்முக பாண்டியன் கலை உலக வாழ்க்கைக்கு உதவும் பொருட்டு அவரது படத்தில் நடிப்பதாக லாரன்ஸ் வீடியோ வெளியிட்டிருந்தார். படை தலைவன் படக்குழு சார்பாக நானும், சண்முக பாண்டியனும் அவரை நேரில் சந்தித்தோம். படத்தின் கதையை கேட்டவர் தானும் நடிப்பதாக கூறினார். அதற்கான பணிகள் துவங்கிய நிலையில் எனக்கு சிறு தயக்கம் இருந்தது. படம் இறுதிக்கட்டத்தை எட்டிய நிலையில் ராகவா லாரன்ஸிற்கான கதாபாத்திரம் கனமான வேடமாக இருக்குமா என தோன்றியது.

தனிப்பட்ட முறையில் மீண்டும் அவரை நான் சந்தித்து இதுபற்றி எடுத்து சொன்னேன். என் முடிவுக்கு அவரும் சம்மதம் சொன்னார். மேலும் படை தலைவன் பட புரொமோஷனுக்கு தன்னால் இயன்ற உதவியை செய்வதாக உறுதி அளித்தார். ஆனால் இந்த படத்தில் லாரன்ஸ் நடிக்க முடியாமல் போனதன் உண்மையான காரணம் அறியாமல் அவரை பற்றி உண்மைக்கு மாறான வதந்திகள் வலைதளங்களில் பரவி வருகின்றன. அவர்களுக்கு உண்மை நிலையை தெரிவிக்கவே இந்த அறிக்கை''

இவ்வாறு அவர் தெரிவித்துள்ளார்.

• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்
• 
  50 ஆண்டுகளுக்குப் பிறகு ஒரிஜினல் கிளைமாக்ஸ் உடன் சர்வதேச திரைப்பட ...
• 
  என் அம்மா அளவுக்கு என்னால் சினிமாவில் சாதிக்க முடியாது : ஜான்வி கபூர்
• 
  மறைந்த தாயார் ஸ்ரீதேவி அணிந்த நீல நிற சேலையில் கவனம் பெற்ற ஜான்வி கபூர்!

• 
  லோகா படத்தின் இரண்டாம் பாகம் அறிவிப்பு
• 
  'ஓஜி' வரவேற்பு : ஸ்ரேயா ரெட்டி மகிழ்ச்சி
• 
  குடும்பத்துடன் குலதெய்வம் கோவிலில் தரிசனம் செய்த தனுஷ்
• 
  துபாயில் சொகுசு கப்பலா... : மாதவன் கொடுத்த விளக்கம்
• 
  அருண் விஜய் படத்திற்கு முதல் விமர்சனம் தந்த தனுஷ்