Dinamalar

அடுத்தடுத்து அப்டேட்டுகள், வரப் போகும் முக்கிய படங்கள்…

பொங்கல், கோடை விடுமுறை ஆகியவற்றிற்குப் பிறகு ஆகஸ்ட் மாதம்தான் பட வெளியீடுகளுக்கான சீசனை ஆரம்பித்து வைக்கும் மாதம். ஆகஸ்ட் 15ல் வரும் சுதந்திர தினம், அதன் பின் விநாயகர் சதுர்த்தி, ஆயுத பூஜை, தீபாவளி என தொடர்ந்து பண்டிகைகள், சில விடுமுறை நாட்கள் என சினிமா வட்டாரமே பரபரப்பாக இருக்கும்.

'இந்தியன் 2' படம் வந்த பிறகு அடுத்தடுத்து பல முக்கிய படங்களின் அப்டேட்டுகள் வந்து கொண்டிருக்கின்றன. இன்னும் சில படங்களின் வெளியீட்டுத் தேதிகள் வரவேண்டியிருக்கிறது. அறிவித்தபடி அந்தந்தப் படங்கள் வருமா என்பதும் போகப் போகத்தான் தெரியும். அறிவித்துவிட்டு பின் தள்ளி வைப்பதும் சமீப காலங்களில் சில பெரிய படங்களுக்கும் நிகழ்கிறது.

இன்றைய நிலவரப்படி அடுத்தடுத்து வெளிவர உள்ள சில முக்கிய படங்களின் அதிகாரப்பூர்வ அறிவிப்பு வந்த வெளியீட்டுத் தேதிகள் இதோ…

ஜூலை 26 - ராயன்

ஆகஸ்ட் 15 - ரகு தாத்தா

செப்டம்பர் 5 - தி கோட்

செப்டம்பர் 27 - மெய்யழகன்

அக்டோபர் 10 - கங்குவா

அக்டோபர் 31 - அமரன்

'தங்கலான், வணங்கான்' ஆகிய படங்கள் ஆகஸ்ட் 15ம் தேதி வெளியாகலாம் என்று சொல்லப்படுகிறது. 'அந்தகன்' படம் ஆகஸ்ட் மாதம் வெளியாகும் என அறிவிக்கப்பட்டுள்ளது. அக்டோபர் மாதம் வெளியாகும் என அறிவிக்கப்பட்ட 'வேட்டையன்' படத்தை தீபாவளிக்கு வெளியிட முயற்சிகள் நடந்து வருகிறது. 'விடாமுயற்சி' படத்தின் படப்பிடிப்பு இன்னமும் நடந்து கொண்டிருக்கிறது. அதை முடித்து பின் இறுதிக்கட்டப் பணிகளும் முடிந்து தீபாவளிக்கு வருவது என்பது சந்தேகம்தான்.

தியேட்டர்கள் கிடைப்பது, ஓடிடி உரிமை விற்பனை, மற்ற மாநிலங்களில் உள்ள போட்டிகள் என பல விஷயங்களை கருத்தில் கொண்டுதான் பட வெளியீட்டை முடிவு செய்ய வேண்டி உள்ளது. ரசிகர்கள் ரிலீஸ் அப்டேட் என என்னதான் தொந்தரவு செய்தாலும் ஒரு படத்தை வெளியிடும் வலி அதன் தயாரிப்பாளருக்கு மட்டுமே தெரியும். 300 கோடி செலவு செய்து ஜாம்பவான்கள் கூட்டணியில் வெளியாகும் படங்களே தடுமாறும் போது எவ்வளவு விஷயங்களை யோசித்து வெளியிட வேண்டும் என்பதை அந்தந்த ஹீரோக்களின் ரசிகர்கள் புரிந்து கொள்ள வேண்டும் என தயாரிப்பாளர்கள் தெரிவிக்கிறார்கள்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா