விடுதலை 2, சர்தார் 2 - இரண்டாம் பாகங்களின் அடுத்தடுத்த அப்டேட்ஸ் - Subsequent updates of Viduktu 2, Sardaar 2

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'விடுதலை 2, சர்தார் 2' - இரண்டாம் பாகங்களின் அடுத்தடுத்த அப்டேட்ஸ்

16 ஜூலை, 2024 - 12:56 IST

எழுத்தின் அளவு:

Subsequent-updates-of-Viduktu-2,-Sardaar-2---second-parts

இரண்டாம் பாகங்கள் பற்றிய செய்திகள், தகவல்கள், அப்டேட்ஸ்கள்தான் கடந்த ஒரு வாரத்தில் பரபரப்பாக உள்ளது. ஜூலை 12ல் வெளிவந்த 'இந்தியன் 2' பற்றிய காரசாரமான விவாதங்கள் ஒரு பக்கம் போய்க் கொண்டிருக்க, அடுத்தடுத்து சில இரண்டாம் பாகப் படங்களின் அப்டேட்ஸ்கள் வந்து கொண்டிருக்கின்றன.

பிஎஸ் மித்ரன் இயக்கத்தில் கார்த்தி கதாநாயகனாக நடித்து வெளிவந்த 'சர்தார்' படத்தின் இரண்டாம் பாகமான 'சர்தார் 2' படத்தின் பூஜை சமீபத்தில் நடைபெற்றது என சில நாட்களுக்கு முன்பு அதிகாரப்பூர்வமாக அறிவித்தார்கள். நேற்று முதல் இப்படத்தின் படப்பிடிப்பு சென்னையில் அமைக்கப்பட்டுள்ள அரங்குகளில் ஆரம்பமாகி உள்ளது. இப்படத்தில் எஸ்ஜே சூர்யா இணைந்துள்ளதாக சற்று முன் அறிவித்துள்ளார்கள். கடந்த சில வருடங்களில் குணச்சித்திரம், வில்லன் என சில முக்கிய படங்களில் தவறாமல் இடம்பெறுபவராக சூர்யா உள்ளார். இப்போது 'சர்தார் 2'விலும் இணைந்துவிட்டார்.

அடுத்து 'விடுதலை 2' படத்தின் முதல் பார்வை பற்றிய அறிவிப்பையும் சற்று முன் வெளியிட்டுள்ளார்கள். வெற்றிமாறன் இயக்கத்தில் சூரி கதையின் நாயகனாக நடிக்க விஜய் சேதுபதி முக்கிய கதாபாத்திரத்தில் நடிக்கும் இப்படத்தின் முதல் பார்வை நாளை (ஜுலை 17ம் தேதி) வெளியாகும் என அறிவித்துள்ளார்கள். இந்த இரண்டாம் பாகத்தில் மலையாள நடிகை மஞ்சு வாரியர் முக்கிய கதாபாத்திரத்தில் நடித்துள்ளார். இப்படத்திற்கு இன்னும் 40 நாட்களுக்கு படப்பிடிப்பு நடத்த வேண்டும் என சமீபத்தில் சில செய்திகள் வெளியானது. அதற்கெல்லாம் பதிலளிக்கும் விதமாக இந்த முதல் பார்வை அப்டேட் வெளியாகி உள்ளது.

Sardar2

ViduthalaiPart2

Updates

Karthi

கருத்துகள் (0) கருத்தைப் பதிவு செய்ய

'ஆயிரத்தில் ஒருவன் 2' கேட்கும் ...

இன்னும் இத்தனை 'இரண்டாம்' ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய