Dinamalar

ஆஸ்கருக்குள் நுழைந்தது 'பார்க்கிங்'

ராம்குமார் பாலகிருஷ்ணன் இயக்கத்தில் ஹரிஷ் கல்யாண் நடித்திருந்த படம் 'பார்க்கிங்'. இதில் ஹரிஷ் கல்யாணுக்கு ஜோடியாக இந்துஜா நடித்திருந்தார். மேலும் எம்.எஸ்.பாஸ்கர், பிரார்த்தனா நாதன் மற்றும் பலர் இந்த படத்தில் நடித்திருந்தனர். சாம் சி.எஸ் இசை அமைத்திருந்தார். கடந்த ஆண்டு டிசம்பர் மாதம் வெளியாகி நல்ல வரவேற்பை பெற்றது. இந்த படம் 5 மொழிகளில் ரீமேக் செய்யப்படவுள்ளது.

ஒரே வளாகத்தில் குடியிருக்கும் இரண்டு குடும்பத் தலைவர்களுக்கு இடையே கார் நிறுத்துவதில் ஏற்படும் ஈகோ எப்படியெல்லாம் அவர்களை ஆட்டிப்படைக்கிறது என்பதுதான் படத்தின் கதை. தற்போது இந்த படத்தின் திரைக்கதை ஆஸ்கர் விருது அமைப்பின் நூலகத்தில் வைக்கப்பட இருக்கிறது. இதன் மூலம் சினிமா கற்கும் உலக திறமையாளர்கள் இந்த திரைக்கதையை படிக்கும் வாய்ப்பு கிடைக்க இருக்கிறது. இது தொடர்பாக ஆஸ்கர் அமைப்பு தயாரிப்பாளருக்கு கடிதம் அனுப்பி உள்ளது.

இது தொடர்பாக படத்தின் இயக்குநர் ராம்குமார் பாலகிருஷ்ணன் வெளியிட்டுள்ள பதிவில் “மிகப்பெரிய படைப்புகளுக்கு மத்தியில் எனது படைப்பும் இடம்பெறுவது, பெருமையாக உள்ளது” என்று குறிப்பிட்டுள்ளார்.

படத்தின் நாயகன் ஹரிஷ் கல்யாண் தனது எக்ஸ் வலைதள பக்கத்தில் ''பார்க்கிங் படம் உங்கள் இதயங்களிலிருந்து ஆஸ்கர் நூலகம் வரை சென்றிருக்கிறது. ஒரு நல்ல கதை அதற்கான இடத்தை தானே தேடி போகும். இந்த நம்பமுடியாத பயணத்திற்கும் என் பார்க்கிங் அணிக்கு நன்றி" என பதிவிட்டுள்ளார்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  அவதூறு பரப்பாதீங்க; ரஹ்மான் அற்புதமானவர் - சாய்ரா பானு ஆடியோ வெளியீடு
• 
  சூர்யா 44வது படத்தின் புரமோஷனை தொடங்கிய கார்த்திக் சுப்பராஜ்
• 
  விவசாயிகளுக்கு விருந்து கொடுத்த நடிகர் விஜய்!
• 
  சொர்க்கவாசல் வெளியான பிறகு கைதி-2 கதையை மாற்றுவேன்! -லோகேஷ் கனகராஜ்
• 
  தைரியம் காட்டும் அரசியல்வாதி விஜய்: மடோனா சிறப்பு பேட்டி