Dinamalar

ஹிருதயம் படத்தில் லோகேஷ் கனகராஜை நடிக்க அழைத்த வினீத் சீனிவாசன்

தமிழ் சினிமாவில் கடந்த 10 வருடங்களில் ஐந்து படங்களை மட்டுமே இயக்கி முன்னணி இயக்குனர்கள் வரிசையில் இடம் பிடித்து விட்டவர் லோகேஷ் கனகராஜ். சமீபத்தில் ஸ்ருதிஹாசன் உருவாக்கி வரும் இனிமேல் என்கிற இசை ஆல்பத்தில் ஸ்ருதிஹாசனுக்கு ஜோடியாக ஒரு நடிகராகவும் மாறியுள்ளார் லோகேஷ் கனகராஜ். ஸ்ருதிஹாசனுடனான நெருக்கமான காட்சிகளில் இவர் நடித்திருக்கும் புகைப்படங்களை பார்க்கும்போது லோகேஷ் கனகராஜுக்குள் இப்படி ஒரு நடிகனா என பலரும் ஆச்சரியப்பட்டனர். ஆனால் கடந்த இரண்டு வருடங்களுக்கு முன்பே மலையாளத்தில் வெளியான ஹிருதயம் என்கிற படத்தில் முக்கிய கதாபாத்திரத்தில் நடிப்பதற்காக லோகேஷ் கனகராஜை அணுகியவர் இயக்குனர் நடிகருமான வினீத் சீனிவாசன்.

மோகன்லால் மகன் பிரணவ் கதாநாயகனாக நடித்த அந்தப் படத்தில் அவரது நண்பராக நடிக்க வேண்டிய தமிழ் கதாபாத்திரத்தில் நடிப்பதற்காக லோகேஷ் கனகராஜிடம் சென்று பேசியதாகவும் ஆனால் அந்த நேரத்தில் லியோ படத்திற்காக வேலைகளில் லோகேஷ் பிஸியாக இருந்ததால் அவரால் அந்த படத்தில் நடிக்க முடியாமல் போய்விட்டது என்றும் கூறியுள்ளார் வினீத் சீனிவாசன். அதன் பின் அவருக்கு பதிலாக காலேஸ் ராம்நாத் என்பவர் அந்த கதாபாத்திரத்தில் நடித்து மிகப்பெரிய அளவில் பாராட்டுக்களை பெற்றார் என்பது குறிப்பிடத்தக்கது.

• 
  கடும் எதிர்ப்பால் மனோஜ் பாஜ்பாய் படத் தலைப்பு மாற்றம்
• 
  சவுதி அரேபியன் படத்திற்காக கை கோர்த்த சல்மான்கான்-சஞ்சய் தத்
• 
  அக்ஷய் கண்ணாவை கவர்ந்திழுக்க முயற்சித்த கங்கனா ரணாவத்
• 
  ஓடிடியில் சாதனை புரியும் 'துரந்தர்'
• 
  ஓடிடியில் வெளியாகும் சன்னி லியோன் படம்

• 
  தமிழக அரசு விருது பெற்ற சூர்யா, தனுஷ், சிவகார்த்திகேயன், ஏஆர் ரஹ்மான், ...
• 
  சினிமாவை போன்று விளம்பரங்களிலும் சம்பாதிக்கும் தமன்னா
• 
  நானியின் ‛தி பாரடைஸ்' படத்தின் ரிலீஸ் தேதி திடீர் மாற்றம்
• 
  சிக்கிரி சிக்கிரி பாடலுக்கு சொந்தமாக நடன அசைவை வெளிப்படுத்திய ராம்சரண்
• 
  துல்கர் சல்மானின் 41வது படத்தில் இணைந்த ஜெகபதிபாபு