Subscription 
சிறப்புச்செய்திகள்
இசையமைப்பாளர் இளையராஜா அலுவலகத்திற்கு வெடிகுண்டு மிரட்டல் | பூஜா ஹெக்டேவின் பிறந்த நாளில் 'ஜனநாயகன்' படக்குழு வெளியிட்ட போஸ்டர்! | 'டியூட்' படத்திற்காக இரவு முழுக்க தூங்காமல் பயிற்சி எடுத்த மமிதா பைஜு! | அல்லு அர்ஜுனை தொடர்ந்து 'கேஜிஎப்' நாயகன் யஷை இயக்கும் அட்லி! | ரஜினியின் அடுத்த படத்தை தயாரிப்பது யார்? | இப்படியெல்லாம் ஐடியா கொடுப்பது யாரு? | 2025 தீபாவளி : 3 இளம் ஹீரோக்களின் போட்டி | சல்மான் கான் கமெண்ட்டுக்கு பதிலளிப்பாரா ஏஆர் முருகதாஸ் ? | காதலரைக் கரம் பிடிக்க 15 வருடங்கள் காத்திருந்த கீர்த்தி சுரேஷ் | தமிழ் இயக்குனர்களைக் கவர்ந்த நாகார்ஜுனா 'ஹேர்ஸ்டைல்' |
பிப்ரவரி 2ல் 4 படங்கள் வெளியீடு
2024ம் ஆண்டு ஆரம்பமானதும் தெரியவில்லை, முடியப் போவதும் தெரியவில்லை, அந்த அளவிற்கு வேகமாகக் கடந்துவிட்ட ஒரு உணர்வு. இந்த ஆண்டின் முதல் மாதத்தில் ஒரு வெள்ளிக்கிழமை தவிர மற்ற மூன்று வெள்ளிக்கிழமைகளிலும் புதிய படங்கள் வெளியாகின.
இந்த வார வெள்ளிக்கிழமையான பிப்ரவரி 2ம் தேதியில் வெளியாக உள்ளதாக 4 படங்களின் அறிவிப்புகள் இதுவரையில் வந்துள்ளன. “வடக்குபட்டி ராமசாமி, டெவில், மறக்குமா நெஞ்சம், சிக்லெட்ஸ்ட்” ஆகிய படங்கள்தான் அவை.
'டிக்கிலோனா' படத்திற்குப் பிறகு சந்தானம், இயக்குனர் கார்த்திக் யோகி மீண்டும் இணைந்துள்ள படம். இப்படத்தின் டிரைலர் வெளியான பின் சர்ச்சையானது. ஆனால், படத்தில் காமெடியை மட்டுமே சொல்லியிருக்கிறோம், வேறு எந்த அரசியலும் கிடையாது என்று தெரிவித்துவிட்டார் சந்தானம். இப்படத்தில் சந்தானம் ஜோடியாக மேகா ஆகாஷ் நடித்துள்ளார்.
'டெவில்' படம் மூலம் இயக்குனர் மிஷ்கின் இசையமைப்பாளராக அறிமுகமாக உள்ளார். இப்படத்தை அவரது தம்பி ஆதித்யா இயக்கி உள்ளார். இதற்கு முன்பு ராம், மிஷ்கின், பூர்ணா நடித்த 'சவரக்கத்தி' படத்தை இயக்கியவர். 'டெவில்' படத்தில் விதார்த், த்ரிகுன், பூர்ணா, சுபஸ்ரீ மற்றும் பலர் நடித்துள்ளனர்.
'மறக்குமா நெஞ்சம்' படத்தில் டிவி தொகுப்பாளர் ரக்ஷன் கதாநாயகனாக நடித்துள்ளார். துனா, மலினா, ராகுல் மற்றும் பலர் இப்படத்தில் நடித்துள்ளார்கள். பள்ளி காலத்து காதல் கதை என்பது டிரைலரைப் பார்த்ததும் தெரிகிறது. இந்த பள்ளி காலத்து காதல் கதைகளுக்கு யாராவது தடை வாங்கினால் நல்லது.
முத்து இயக்கத்தில், சாத்விக் வர்மா, ஜாக் ராபின்சன், ரசீம், நயன் கரிஷ்மா, அம்ரிதா ஹல்தார் நடித்துள்ள படம் 'சிக்லெட்ஸ்'. 2கே கிட்ஸ்-களின் காமப் படம் என்பது படத்தின் டிரைலரில் வெட்ட வெளிச்சமாய் தெரிகிறது. டிரைலரே இப்படி என்றால் படம் எப்படி இருக்குமோ, 'ஏ' சான்றிதழ்தான் கிடைத்திருக்கும். கடந்த வருடமே வெளியாகியிருக்க வேண்டிய படம், தாமதமாக வெளியாகிறது.
'விடாமுயற்சி' அப்டேட்ஸ் : அஜித் ...
திருப்பதியில் குடும்பத்தோடு சாமி ...
