Dinamalar

இது முடிவல்ல ஆரம்பம் ; ஆந்திர முதல்வர் பிறந்தநாளுக்கு ஜீவா வெளியிட்ட வாழ்த்து போஸ்டர்

கடந்த 2019ல் தெலுங்கில் மம்முட்டி நடிப்பில் வெளியான படம் யாத்ரா. மறைந்த ஆந்திர முதல்வர் ஒய். ராஜசேகர் ரெட்டியின் வாழ்க்கை வரலாற்றை, குறிப்பாக அவர் ஆட்சியை பிடிப்பதற்காக நடத்திய பாதயாத்திரையை மையப்படுத்தி இந்த படம் உருவாகி இருந்தது. இதில் ராஜசேகர் ரெட்டி கதாபாத்திரத்தில் மம்முட்டி நடித்திருந்தார். இந்த படத்தை மகி ராகவ் என்பவர் இயக்கி இருந்தார். இந்த படம் ஓரளவு வரவேற்பை பெற்றதுடன் ஆந்திர அரசியலில் கொஞ்சம் சலசலப்பையும் ஏற்படுத்தியது.

இந்த படத்தின் இரண்டாம் பாகம் 'யாத்ரா 2' என்கிற பெயரில் துவங்கப்பட்டு நடைபெற்று வருகிறது. இந்த படத்தின் கதை முழுவதுமே ராஜசேகர் ரெட்டியின் மகனும் தற்போதைய ஆந்திர முதல்வருமான ஒய்.எஸ்.ஆர் ஜெகன்மோகன் ரெட்டியை மையப்படுத்தியே உருவாக்கப்பட்டுள்ளது. இதில் ஜெகன்மோகன் ரெட்டி கதாபாத்திரத்தில் நடிகர் ஜீவா நடித்து வருகிறார்..

இந்த நிலையில் ஜெகன்மோகன் ரெட்டியின் பிறந்தநாளை முன்னிட்டு இந்த படத்தின் போஸ்டர் ஒன்றை தனது சோசியல் மீடியா பக்கத்தில் வெளியிட்டுள்ள ஜீவா, “அவர்கள் அது அவரது முடிவு என்றே நினைத்தார்கள்.. ஆனால் அவருக்கு தெரியும் இது வெறும் தொடக்கம் தான் என்று.. ஜெகன்மோகன் ரெட்டி காருக்கு என் பிறந்தநாள் வாழ்த்துக்கள்.. எங்கள் லென்ஸ் வழியாக உங்களது கதையை சொல்ல நீண்ட நாட்கள் காத்திருக்க முடியாது” என்று கூறியுள்ளார்.

இந்த படம் வரும் பிப்ரவரி 8ம் தேதி வெளியாக இருக்கிறது. முதல் பாகத்தில் நடித்த மம்முட்டியும் இந்த படத்தில் இருக்கிறார் என்றாலும் அவரது போர்சன் குறைவுதான் என்று சொல்லப்படுகிறது.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  அஸ்வத் மாரிமுத்துவிற்கு விண்ணப்பித்த 15 ஆயிரம் உதவி இயக்குனர்கள்!
• 
  கவுதம் ராம் கார்த்திக் 19வது படத்தின் படப்பிடிப்பு துவங்கியது!
• 
  ''இப்போ ரிஸ்க் எடுக்கலைனா.. எப்பவும் இல்ல'': சினிமா என்ட்ரி குறித்து ...
• 
  த்ரிவிக்ரம் இயக்கத்தில் தனுஷ்?
• 
  குட் பேட் அக்லி - முன்பதிவு நிலவரம் என்ன?