Subscription 
சிறப்புச்செய்திகள்
கூலி: அமெரிக்காவில் 7 மில்லியன் வசூல் | ரஜினி, கமல் இணையும் படத்தில் சூர்யா நடிக்கிறாரா? | விபத்தில் சிக்கியதாக பரவிய வதந்தி: விளக்கமளித்து முற்றுப்புள்ளி வைத்த காஜல் அகர்வால் | அனுமதியின்றி தன் பெயர், படத்தை பயன்படுத்தக்கூடாது: ஐஸ்வர்யா ராய் வழக்கு | சிவகார்த்திகேயன் அடுத்து நடிக்க போகும் 3 படங்கள் விபரம் | பிரபாஸ் பிறந்தநாளில் ‛தி ராஜா சாப்' படத்தின் முதல் பாடல் | செப்., 13ல் இளையராஜாவிற்கு தமிழக அரசு சார்பில் பிரமாண்ட பாராட்டு விழா | அல்லு அர்ஜூனை பார்த்து வியந்த ‛டிராகன்' பட இயக்குனர் | தன் முதல் தமிழ் படக்குழுவினருடன் பிறந்தநாளை கொண்டாடிய அனஸ்வரா ராஜன் | கல்கி 2ம் பாகத்தில் எனக்கு வாய்ப்பு கிடைக்குமா ? கல்யாணி பிரியதர்ஷன் ஆர்வம் |
'சலார்' டிரைலர் - மற்றுமொரு 'கேஜிஎப்' சாயல் படமா ?
கேஜிஎப் 1, கேஜிஎப் 2 என இரண்டு பாகப் படங்களின் மூலம் கன்னட சினிமாவை திரும்பிப் பார்க்க வைத்தவர் இயக்குனர் பிரசாந்த் நீல். அவரது இயக்கத்தில் பிரபாஸ், ஸ்ருதிஹாசன், பிருத்விராஜ் மற்றும் பலர் நடிக்க உருவாகியுள்ள படம் 'சலார்'. இப்படத்தின் டிரைலர் வெளியாகி உள்ளது.
காட்சியமைப்புகள், அதன் பின்னணி ஆகியவற்றைப் பார்க்கும் போது மீண்டும் 'கேஜிஎப்' சாயலுடன் ஒரு படம் என்றுதான் தோன்றுகிறது. 'கேஜிஎப்' படத்தில் தங்கச் சுரங்கத்தை மையமாக வைத்திருந்தார்கள். இந்த 'சலார்' படத்தில் 'கான்சார்' என்ற சாம்ராஜ்ஜியத்தை மையமாக வைத்துள்ளார்கள்.
பிரபாஸ், பிருத்விராஜ் இருவரும் நெருங்கிய நண்பர்கள். அந்த கான்சார் சாம்ராஜ்ஜியத்தில் தன் மகன் பிருத்விராஜை ஒரு 'துரை' ஆகப் பார்க்க வேண்டும் என்பது அவரது அப்பா ஜெகபதிபாபுவின் ஆசையாக உள்ளது. அந்த சாம்ராஜ்ஜியத்தைப் பிடிக்க ரஷியர்கள், செர்பியர்கள் படையுடன் வருகிறார்கள். அவர்களை எதிர்க்க தனது படையாக ஒரே ஒரு ஆளான நண்பன் 'தேவா' பிரபாஸை அழைக்கிறார் பிருத்விராஜ். அவர்களை எதிர்த்து பிரபாஸ் சண்டையிடுகிறார். இதுதான் இந்த முதல் பாகத்தின் டிரைலர் ஆக இருக்கிறது.
டிரைலரில் பிரபாஸ்,. பிருத்விராஜ், ஜெகபதி பாபு ஆகியோர் சொந்தக் குரலில் தமிழில் டப்பிங் பேசியிருக்கிறார்கள். படத்திலும் அவர்களே பேசுவார்களா என்பது படம் வந்த பின்தான் தெரியும்.
'தேவா' என பிருத்விராஜ் சொல்லும் போது 'தளபதி' படத்தின் தேவா, சூர்யா ஞாபகம் வந்து போகிறது. ஒருவேளை 2023ன் 'தளபதி' படமாகக் கூட இந்த 'சலார்' இருக்கலாம்.
டிரைலரிலேயே அவ்வளவு அதிரடியான ரத்தம் தெறிக்கும் சண்டைக் காட்சிகள் உள்ளன. படத்தில் அது இன்னும் அதிகமாக இருக்கும் என எதிர்பார்க்கலாம்.
டிரைலரில் நாயகி ஸ்ருதிஹாசன் சில வினாடிகள் வந்து போகிறார். ஜெகபதி பாபு, பாபி சிம்ஹா, ஸ்ரேயா ரெட்டி ஆகியோரும் முக்கியக் கதாபாத்திரங்களில் நடித்துள்ளார்கள்.
ஒளிப்பதிவு, படத்தொகுப்பு, பின்னணி இசை அனைத்துமே 'கேஜிஎப்' படத்தை பிரதி எடுத்தது போல உள்ளது. அதில் இருந்த எமோஷன் இதிலும் இருந்தால் இந்தப் படமும் வசூலில் சாதனை படைக்கலாம்.
அடுத்தடுத்த படங்களுக்கும் ...
'சலார்' டிரைலர் : வரவேற்பு எப்படி?