Dinamalar

இறுதி கட்டத்தில் முத்தையா முரளிதரன் படம்: அக்டோபர் ரிலீஸ்

இலங்கையின் புகழ்பெற்ற கிரிக்கெட் வீரரான முத்தையா முரளிதரன், சர்வதேச கிரிக்கெட்டில் 800 விக்கெட்டுகளுக்கு மேல் வீழ்த்தி சாதனை படைத்துள்ளார். அவருக்குப் பிறகு வேறு எந்த கிரிக்கெட் வீரரும் இந்த சாதனையை முறியடிக்கவில்லை. தற்போது இவரது வாழ்க்கையை மையமாக வைத்து '800' என்ற படம் தயாராகி வருகிறது. மூவி ட்ரெயின் மோஷன் பிக்சர்ஸ் தயாரிக்கும் இந்தப் படத்தை எம்.எஸ்.ஸ்ரீபதி இயக்கியுள்ளார். ஆர்.டி.ராஜசேகர் ஒளிப்பதிவு செய்கிறார், ஜிப்ரான் இசை அமைக்கிறார்.

இதில் முத்தையா முரளிதரனாக 'ஸ்லம்டாக் மில்லியனர்' புகழ் மதுர் மிட்டல் நடிக்கிறார். முதலில் விஜய்சேதுபதி நடிப்பதாக இருந்தது. தமிழ்நாட்டில் உள்ள சிலர் அதற்கு எதிர்ப்பு தெரிவிக்கவே விஜய்சேதுபதி விலகி கொண்டார். முத்தையா முரளிதரன் மனைவியாக மஹிமா நம்பியார் நடிக்கிறார். நரேன், நாசர், வேல ராம்மூர்த்தி, ரித்விகா, அருள் தாஸ், ஹரி கிருஷ்ணன், ஷரத் லோஹித்யா. உள்ளிட்ட பலரும் நடித்திருக்கிறார்கள்.

தற்போது படத்தின் இறுதிகட்ட பணி நடந்து வருகிறது. படத்தின் இந்திய தியேட்டர் திரையீட்டு உரிமத்தை ஸ்ரீதேவி மூவீஸின் உரிமையாளரான சிவலெங்க கிருஷ்ண பிரசாத் பெற்றுள்ளார். இந்த படம் தமிழில் படமாக்கப்பட்டது. தெலுங்கு, இந்தி மற்றும் ஆங்கிலம் மொழிகளிலும் வெளியிடப்படுகிறது. இலங்கை, இங்கிலாந்து, ஆஸ்திரேலியா, கொச்சின், சண்டிகர் மற்றும் சென்னை ஆகிய இடங்களில் படமாக்கப்பட்டது.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  புஷ்கர் - காயத்ரி அடுத்த படத்தில் சிவகார்த்திகேயன்?
• 
  செல்வராகவன் நடிக்கும் புதிய பட அறிவிப்பு!
• 
  பைசன் படம் குறித்து இயக்குனர் ராம் வெளியிட்ட தகவல்
• 
  ஒர்க் அவுட்டின்போது டிரெண்டிங் பாடலுக்கு நடனமாடிய மிருணாள் தாக்கூர்
• 
  ஓடிடியில் வெளியான கமலின் தக் லைப்