Dinamalar

'சூப்பர் ஸ்டார்' பட்டத்திற்கு மற்றவர்கள் இனி ஆசைப்படுவது நியாயமா ?

தமிழ் சினிமாவில் அடுத்த சூப்பர் ஸ்டார் யார் என்பது குறித்து சில வருடங்களுக்கு முன்பு சர்ச்சை எழுந்து அடங்கியது. அதன்பின் இந்த வருடத் துவக்கத்தில் விஜய் நடித்து வெளிவந்த 'வாரிசு' படத்தின் போது விஜய் தான் அடுத்த சூப்பர் ஸ்டார் என சிலர் பேச மீண்டும் சர்ச்சை வெடித்தது.

ரஜினிகாந்த் நடித்து வெளிவந்த 'ஜெயிலர்' படத்தின் இசை வெளியீட்டு விழாவில் ரஜினிகாந்த், “கழுகு, காக்கா” கதை சொல்லி 'சூப்பர் ஸ்டார்' பற்றியும் பேசி அதற்கு முற்றுப்புள்ளி வைத்தார். இருந்தாலும் விஜய் ரசிகர்கள் அது பற்றிய சர்ச்சைகளைத் தொடர்ந்து சமூக வலைத்தளங்களில் பரப்பி வந்தனர்.

இந்நிலையில் 'ஜெயிலர்' படம் வெளியாகி 11 நாட்களில் 500 கோடி வசூலைக் கடந்து தமிழ் சினிமா பாக்ஸ் ஆபீஸ் வசூலில் புதிய சாதனையைப் படைத்துள்ளது. இதற்கு முன்பு 500 கோடி ரூபாய் வசூலை '2.0' படம் மூலம் முதலில் படைத்தது ரஜினிகாந்த் தான். மீண்டும் இப்போது இரண்டாவது 500 கோடி வசூலைக் கொடுத்துள்ளார்.

ரஜினிகாந்த்தை விடவும் தங்களை அதிக வியாபாரம் செய்யும் நடிகர்கள் என சொல்லிக் கொள்ளும் விஜய் உள்ளிட்ட நடிகர்கள், இனி 'சூப்பர் ஸ்டார்' பட்டம் பற்றி பேசக் கூடாது என ரஜினி ரசிகர்கள் சிலர் சமூக வலைத்தளங்களில் கடுமையாகப் பதிவிட்டு வருகிறார்கள்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  புஷ்கர் - காயத்ரி அடுத்த படத்தில் சிவகார்த்திகேயன்?
• 
  செல்வராகவன் நடிக்கும் புதிய பட அறிவிப்பு!
• 
  பைசன் படம் குறித்து இயக்குனர் ராம் வெளியிட்ட தகவல்
• 
  ஒர்க் அவுட்டின்போது டிரெண்டிங் பாடலுக்கு நடனமாடிய மிருணாள் தாக்கூர்
• 
  ஓடிடியில் வெளியான கமலின் தக் லைப்