Dinamalar

'வாரணம் ஆயிரம்' தெலுங்கு ரி-ரிலீஸ், ரம்யா மகிழ்ச்சி

கவுதம் மேனன் இயக்கத்தில், ஹாரிஸ் ஜெயராஜ் இசையமைப்பில், சூர்யா, சிம்ரன், சமீரா ரெட்டி, ரம்யா மற்றும் பலர் நடித்து 2008ம் ஆண்டு வெளிவந்த படம் 'வாரணம் ஆயிரம்'. ஒரு அற்புதமான காதல் திரைப்படமாக வெளிவந்து பெரும் வெற்றியைப் பெற்றது இந்தப் படம். தெலுங்கில் 'சூர்யா S/o கிருஷ்ணன்' என்ற பெயரில் டப்பிங் செய்து வெளியிட்டார்கள். அங்கும் படம் வெற்றி பெற்றது.

தற்போது தெலுங்கு பதிப்பை அடுத்த வாரம் ஜுலை 21ம் தேதி ரி-ரிலீஸ் செய்ய உள்ளார்கள். அது குறித்து படத்தின் கதாநாயகிகளில் ஒருவரான ரம்யா மகிழ்ச்சி தெரிவித்துள்ளார். “இந்தப் படத்தில் பணிபுரிந்தது விருப்பமான ஒன்று. எனது அபிமானத் திரைப்படங்களில் இதுவும் ஒன்று. அப்படத்தில் நடித்த போது எனக்கு 22 அல்லது 23 வயதுதான் இருக்கும். அதற்கு முன்பு உணர்ச்சிகரமான நடிப்பை நான் வெளிப்படுத்தியதில்லை. பிரியா கதாபாத்திரம் அன்புக்கும், பொறுமைக்கும் உருவகமாக அமைந்தது. அக்கதாபாத்திரத்தில் என்னை நகர்த்தவும் தூய்மையான காதலை வெளிப்படுத்தவும் தூண்டியது. ஜுலை 21ல் 'சூர்யா S/o கிருஷ்ணன்'...மேஜிக் மீண்டும் நிகழட்டும்,” என்று குறிப்பிட்டுள்ளார்.

படத்தில் அன்பான காதலியான சமீராவைப் பறி கொடுத்த பின் வாழ்க்கையில் தடுமாறிக் கொண்டு, போதைக்கு அடிமையாவார் சூர்யா. அவரை தன் காதல் மூலமும், அன்பு மூலமும் நல்வழிப்படுத்தி மீட்டுக் கொண்டு வரும் பிரியா கதாபாத்திரத்தில் நடித்திருப்பார் ரம்யா.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு