Dinamalar

முகேன் நடிக்கும் புதிய படம் அறிவிப்பு

மலேசியாவில் ஆல்பங்களில் நடித்து வந்த முகேன், பிக்பாஸ் 3வது சீசன் மூலம் புகழ்பெற்றார். பிக்பாஸ் நிகழ்ச்சிக்கு பிறகு 'வேலன்' என்ற படத்தின் மூலம் தமிழ் சினிமாவிற்கு அறிமுகமானார். இந்த படத்தில் அவர் ஜோடியாக மீனாட்சி கோவிந்தராஜன் நடித்தார். கவின் ராஜ் இயக்கினார். இரண்டு ஆண்டுகளுக்கு முன்பு இந்த படம் வெளியானது. அதன் பிறகு வெற்றி, மதில் மேல் காதல், காதல் என்பது சாபமா, ஜின் என பல படங்களில் நடிப்பதாக அறிவிப்பு வெளியானது. இவற்றில் சில படங்களின் படப்பிடிப்பு நடந்து வருகிறது.

இந்த நிலையில் வேலன் படத்தை இயக்கிய கவின்ராஜ் இயக்கத்தில் மீண்டும் நடிக்கிறார் முகேன். இன்னும் டைட்டில் வைக்கப்படாத இந்த படத்தை ஜி.மணிகண்டன் தயாரிக்கிறர். இந்தப் படத்தில் இரண்டு கதாநாயகிகள் நடிக்கின்றனர். இந்த திரைப்படத்தில் 'கோல்டன் ரெட்ரீவர்' வகை நாய் ஒன்று முக்கிய கதாபாத்திரத்தில் நடிக்கவுள்ளது குறிப்பிடத்தக்கது.

இதன் படப்பிடிப்பு சென்னை, திருநெல்வேலி, நாகர்கோவில், மார்த்தாண்டம் மற்றும் வாகமன் பகுதிகளில் நடைபெறவுள்ளது. கிரைம் த்ரில்லர் கதையாக உருவாகவுள்ள இந்த படத்திற்கு ஜிஜூ சன்னி ஒளிப்பதிவு செய்கிறார். ஜென் மார்ட்டின் இசை அமைக்கிறார். அடுத்த வாரத்தில் படப்படிப்பை தொடங்கி, ஒரே கட்டமாக நிறைவு செய்ய திட்டமிடப்பட்டுள்ளனர்.

• 
  அஜித் தோவல் வேடத்தில் மாதவன்
• 
  ரன்வீர் சிங் ஜோடியான சாரா அர்ஜுன்
• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2

• 
  அம்மாவாக நடிப்பது பெருமை... வயது தடையில்லை : ஐஸ்வர்யா ராஜேஷ்
• 
  பிளாஷ்பேக்: கனவில் அறிமுகமாகி, காலம் இணைத்து வைத்த காதல் மனங்களின் ...
• 
  நயன்தாரா ஆவணப்படத்தில் 'சந்திரமுகி' காட்சிகள்: நஷ்டஈடு கோரி மேலும் ஒரு ...
• 
  கூலி படத்திற்காக இரண்டு ஆண்டுகளாக கடின உழைப்பை போட்ட லோகேஷ் கனகராஜ்
• 
  ‛டிமான்டி காலனி 3' படப்பிடிப்பை தொடங்கிய அஜய் ஞானமுத்து