கூட்டத்தில் சிக்கித் தவித்த தமன்னா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கூட்டத்தில் சிக்கித் தவித்த தமன்னா

27 ஜூன், 2023 - 12:29 IST

எழுத்தின் அளவு:

ஒரு காலத்தில் குடும்ப பாங்கான வேடங்களில் நடித்து அமைதியான நடிகை என்று பெயர் எடுத்தவர் தமன்னா. தமிழில் அவர் நடித்த படங்கள் அனைத்தும் அப்படியான படங்கள்தான். சமீபகாலமாக திடீரென படு கவர்ச்சிக்கு மாறிவிட்டார். சமீபத்தில் வெளியாகி இருக்கும் 'ஜி கர்தா' என்ற வெப் தொடரில் படுக்கை அறை காட்சியில் ஆபாசமாக நடித்து இருந்ததை கண்டு ரசிகர்கள் அதிர்ச்சி அடைந்தனர். இதையடுத்து சமூக வலைத்தளத்தில் அவருக்கு கடுமையான விமர்சனங்கள் எழுந்தன. பணத்துக்காக இப்படி மோசமாக நடிக்கலாமா என்றும் கண்டித்தனர். அடுத்து அவர் நடித்துள்ள 'லஸ்ட் ஸ்டோரீஸ் 2' என்ற வெப் தொடர் வெளியாக உள்ளது. இதில் கவர்ச்சியாக நடித்துள்ளார். இதனால் தமன்னாவை பார்ப்பதற்கு அவர் செல்லும் இடங்களில் ரசிகர்கள் கூடுவது அதிகரித்துள்ளது.

திருவனந்தபுரத்தில் ஒரு நிகழ்ச்சியில் பங்கேற்க தமன்னா சென்றார். அவரை காண ஆயிரக்கணக்கில் ரசிகர்கள் திரண்டு நின்றனர். அவர்களை பார்த்து கையசைத்தபடியே சென்றார். நிகழ்ச்சி முடிந்து திரும்பியபோது திடீரென்று ரசிகர்கள் கூட்டம் தமன்னாவை சூழ்ந்து செல்பி எடுத்தனர். இதனால் கூட்டத்தில் தமன்னா சிக்கினார். அப்போது சிலர் அவரை தவறாக தொட்டனர். கையை பிடித்தும் இழுத்தனர். இதனால் அதிர்ச்சியான தமன்னா ரசிகர்களை பார்த்து கோபமாக கத்தினார். பாதுகாவலர்கள் அவரை பத்திரமாக மீட்டு அழைத்துச் சென்றனர்.

Tamannaah

TamannaahBhatia

கருத்துகள் (0) கருத்தைப் பதிவு செய்ய

“வெண்ணிற ஆடை” தந்த பொன்னிற நாயகி ...

மீண்டும் சாதனை படத்தில் நடித்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய