சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி | வில்லியாக என்ட்ரி கொடுக்கும் ஆர்த்தி சுபாஷ் | பிளாஷ்பேக் : முதல் அரசியல் நையாண்டி படம் | சீரியல் ஜோடி திருமணம் | ஓட்டுரிமையை வீணாக்காதீர்கள் : விஜய் ஆண்டனி |
ஓம் ராவத் இயக்கத்தில், பிரபாஸ், கிரித்தி சனோன், சைப்அலிகான் மற்றும் பலர் நடித்துள்ள படம் 'ஆதிபுருஷ்'. ஹிந்தி, தெலுங்கு, தமிழ், கன்னடம், மலையாளம் ஆகிய மொழிகளில் இப்படம் ஜுன் 16ம் தேதி வெளியாகிறது. இன்று ஜுன் 6ம் தேதி இப்படத்தின் வெளியீட்டிற்கு முந்தைய நிகழ்வு ஆந்திர மாநிலம் திருப்பதியில் நடைபெற உள்ளது. அங்குள்ள ஸ்ரீ வெங்கடேஷ்வரா யுனிவர்சிட்டி மைதானத்தில் விழா நடக்க இருக்கிறது. சுமார் ஒரு லட்சம் பேர் இதில் கலந்து கொள்வார்கள் என எதிர்பார்க்கப்படுகிறது.
விழாவுக்காக பிரம்மாண்டமான ஏற்பாடுகளை செய்துள்ளார்களாம். இசை, நடன நிகழ்வுகளும் நடக்க இருப்பதாகத் தெரிகிறது. மேலும், மைதானத்தில் பிரபாஸின் 50 அடி உயர ஹாலோகிராபிக் உருவத்தையும் உருவாக்க உள்ளார்களாம். தலைமை அழைப்பாளராக ஸ்ரீ சின்ன ஜீயர் சுவாமி கலந்து கொள்கிறார்.
திருப்பதியைத் தொடர்ந்து மற்ற இந்தியாவின் மற்ற முக்கிய மாநகரங்களிலும் நிகழ்ச்சிகளை நடத்த படக்குழு திட்டமிட்டுள்ளதாம். ராமாயணத்தைத் தழுவி மோஷன் கேப்சரிங் முறையில் படமாக்கப்பட்டுள்ள இந்தப் படத்தின் வியாபாரம் மிகப் பெரும் அளவில் நடைபெற்றுள்ளது. 'பாகுபலி 2' படத்தின் வசூலை இந்தப் படம் மூலம் பிரபாஸ் முறியடிப்பார் என எதிர்பார்க்கப்படுகிறது.