மீண்டும் சினிமாவுக்கு திரும்பிய மனீஷாஜித்

21 ஏப், 2023 - 04:57 IST

0 கருத்துகள் கருத்தைப் பதிவு செய்ய

எழுத்தின் அளவு:

சரத்குமார் நடித்த 'கம்பீரம்' படத்தில் குழந்தை நட்சத்திரமாக நடித்தவர் மனீஷாஜித். அதன் பிறகு பல படங்களில் குழந்தை நட்சத்திரமாக நடித்த அவர் நண்பர்கள் கவனத்திற்கு, திறப்பு விழா, கமரகட்டு, விந்தை, இதயதாமரை, பிழை, அட்டி உள்ளிட்ட பல படங்களில் நாயகியாக நடித்தார். சினிமா வாய்ப்புகள் குறையவே சின்னத்திரை பக்கம் சென்ற அவர் உயிரோ, கன்னத்தில் முத்தமிட்டால் தொடர்களில் நடித்தார். தற்போது அவர் மீண்டும் 'உதிர்' என்ற படத்தின் மூலம் சினிமாவுக்கு வந்திருக்கிறார்.

ஜீசஸ் கிரேஸ் சினி எண்டர்டெயின்மெண்ட் சார்பாக, ஞான ஆரோக்கிய ராஜா, கதை, திரைக்கதை, வசனம், பாடல்கள் எழுதி, தயாரித்து, இயக்கியுள்ள படம் 'உதிர்'. இது கதையல்ல நிஜம் படத்தில் நடித்த சந்தோஷ் சரவணன் மற்றும் விதுஷ் நாயகர்களாக நடிக்கிறார்கள். மனோபாலா, சிங்கம்புலி, தேவதர்ஷினி, முத்துக்காளை, ஓ.எஸ்.மணி, சிஸ்ஸர் மனோகர், போண்டா மணி ஆகியோர் நடித்துள்ளனர். குழந்தை நட்சத்திரமாக ஜி.வி.சன்மதி நடித்துள்ளார்.

படம் பற்றிய இயக்குனர் ஞான ஆரோக்கியராஜா கூறியதாவது: படிக்கும் போது வரும் காதல் சரியா, தவறா என்பதை மையமாகக் கொண்டு, படம் உருவாக்கப் பட்டுள்ளது. சிலையை பார்க்கும் கண்களுக்கு கடவுளாகவும், கற்சிலையாகவும் மாறுபட்டு தெரிகிறதோ, அதேபோல் காதலும் சரி என்றால் சரி, தவறு என்றால் தவறு என்று மாறுபட்டு தெரியும். பாடல்களுக்கு முக்கியத்தும் கொடுத்து இந்த படத்தை உருவாக்கி இருக்கிறேன். இன்றைய இளைஞர்களுக்கு இதுதான் உண்மையான காதல் என்று அடையாளம் காட்டும் படமாக இது இருக்கும். என்றார்.

Manishajith

Uthirmovie

கருத்துகள் (0) கருத்தைப் பதிவு செய்ய

தமிழ், தெலுங்கில் தயாராகும் ...

மயில்சாமி நடித்த வெப்சீரிஸ் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய