Dinamalar

'நாட்டு நாட்டு' பாடலை 'டிரோல்' செய்யும் ரசிகர்கள்

ராஜமவுலி இயக்கத்தில், கீரவாணி இசையமைப்பில் வெளியான 'ஆர்ஆர்ஆர்' படத்தில் இடம் பெற்ற 'நாட்டு நாட்டு' பாடலுக்கு சிறந்த ஒரிஜனல் பாடலுக்கான ஆஸ்கர் விருதை வென்றது. ஆனால், அது ஒரிஜனல் பாடல் அல்ல தமிழ் சினிமா பாடலிலிருந்து காப்பியடிக்கப்பட்ட பாடல் என தமிழ் சினிமா ரசிகர்கள் பலரும் 'டிரோல்' செய்து வருகிறார்கள்.

ஆஸ்கர் விருது வழங்கும் நிகழ்ச்சியில் 'ஆர்ஆர்ஆர்' படத்தை பாலிவுட் பாடல் என சொல்லிய தொகுப்பாளருக்கு கண்டனத்தைத் தெரிவித்து பல தெலுங்கு ஊடகங்கள் நேற்று செய்திகளை வெளியிட்டன. அதே சமயம் சிறந்த டாகுமென்டரி குறும்படத்திற்கான ஆஸ்கர் விருதைப் பெற்ற 'த எலிபென்ட் விஸ்பரர்ஸ்' படத்தை தமிழ்ப் படம் எனக் குறிப்பிடாமல் அந்தத் தெலுங்கு ஊடகங்கள் தென்னிந்தியத் திரைப்படம் எனக் குறிப்பிட்டன. இதனால், ஆத்திரமடைந்த தமிழ் சினிமா ரசிகர்கள் சமூக வலைத்தளங்களில் 'நாட்டு நாட்டு' பாடலை டிரோல் செய்ய ஆரம்பித்தனர்.

விக்ரமன் இயக்கத்தில், எஸ்ஏ ராஜ்குமார் இயக்கத்தில் விஜய், சங்கீதா நடித்து 1996ம் ஆண்டு வெளிவந்த 'பூவே உனக்காக' படத்தில் இடம் பெற்ற 'மச்சினிச்சி வர்ற நேரம் மண் மணக்குது…' என்ற பாடலின் காப்பி தான் 'நாட்டு நாட்டு' பாடல் என இரண்டு பாடல்களின் வீடியோவையும் பகிர்ந்து டிரோல் செய்தனர். அந்தப் பாடலுக்கு முரளி, விஜி ஆகியோர் நடனமாடி இருப்பார்கள்.

ஒரிஜனல் அல்லாத பாடலுக்கு ஒரிஜனல் பாடல் என்ற விருதை எப்படி கொடுத்தார்கள் என்றும் ரசிகர்கள் கேள்வி எழுப்புகிறார்கள்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா