Dinamalar

'பிதாமகன்' படத் தயாரிப்பாளரின் தற்போதைய நிலை

தமிழ் சினிமாவில் ஒரு தரமான படமாக வந்த படம் 'பிதாமகன்'. பாலா இயக்கத்தில், இளையராஜா இசையமைப்பில் விக்ரம், சூர்யா, லைலா, சங்கீதா, மற்றும் பலர் நடித்த அந்தப் படம் நடிகர் விக்ரமிற்கு சிறந்த நடிகருக்கான தேசிய விருதைப் பெற்றுத் தந்தது.

அப்படத்தைத் தனது எவர்கிரீன் மூவிஸ் இன்டர்நேஷனல் சார்பாக தயாரித்தவர் விஏ துரை. அவர் சத்யராஜ் நடித்த 'என்னம்மா கண்ணு, லூட்டி, விவரமான ஆளு', கார்த்தி நடித்த 'லவ்லி', விஜயகாந்த் நடித்த 'கஜேந்திரா' உள்ளிட்ட படங்களைத் தயாரித்தவர்.

இயக்குனர் எஸ்பி முத்துராமனிடம் உதவி இயக்குனராகவும், ரஜினி நடித்த பாபா உள்ளிட்ட பல முன்னணி நடிகர்கள் நடித்த படங்களுக்கு தயாரிப்பு நிர்வாகியாகவும் இருந்துள்ளார். தற்போது சர்க்கரை நோயால் மிகவும் பாதிக்கப்பட்டு மோசமான உடல்நிலையில் இருக்கிறார். உடல் மிகவும் இளைத்து அவர்தானா இது என ஆச்சரியப்படும் அளவிற்கு இருக்கிறார்.

'பிதாமகன்' படத்திலேயே பெருத்த நஷ்டத்தைச் சந்தித்தவர், அதற்குப் பிறகு அவர் தயாரித்த படங்களும் ஓடவில்லை. அதனால், படங்களைத் தயாரிப்பதையே நிறுத்தினார். அவருடைய தற்போதைய உடல்நிலை குறித்து அவருடைய நண்பர்கள் சிலர் வீடியோ ஒன்றை சினிமா வாட்சப் குரூப்புகளில் வெளியிட்டுள்ளனர்.

அவருக்குத் தயாரிப்பாளர் சங்கமும், அவர் தயாரித்த படங்களில் நடித்த நடிகர்களும் உதவி செய்ய முன் வர வேண்டும் என திரையுலகில் உள்ள பலரும் எதிர்பார்க்கிறார்கள்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா