Dinamalar

பெண் இயக்குனர்களை குறுகிய வட்டத்திற்கும் அடைக்காதீர்கள் : பிருந்தா மாஸ்டர்

2 ஆயிரம் பாடல்களுக்கு மேல் நடனம் அமைத்துள்ள பிருந்தா மாஸ்டர், ‛ஹேய் சினாமிகா' படத்தின் மூலம் இயக்குனர் ஆனார். துல்கர் சல்மான், காஜல் அகர்வால், அதிதி ராவ் நடித்த அந்த படம் ஓரளவிற்கு வரவேற்பை பெற்றது. இந்த நிலையில் அவர் இயக்கி இருக்கும் இரண்டாது படம் 'தக்ஸ்'. இந்த படத்தை எச்.ஆர்.பிக்சர்ஸ் சார்பில் ரியா சிபு தயாரித்துள்ளார்.

ஹிருது ஹரூன், சிம்ஹா, ஆர்.கே.சுரேஷ், முனிஸ்காந்த் உள்ளிட்ட பலர் நடித்துள்ளனர். சாம்.சி.எஸ் இசையமைக்க, ஒளிப்பதிவை பிரியேஷ் குருசாமி மேற்கொண்டுள்ளார். படம் வருகிற பிப்ரவரி 24ம் தேதி திரையரங்குகளில் வெளியாகவுள்ளது.

படம் குறித்து பிருந்தா மாஸ்டர் கூறியதாவது: எனது முதல் படம் காதல் படம் என்பதால் அதிலிருந்து முற்றிலும் மாறுபட்டு அடுத்த படம் இயக்க முடிவு செய்தேன். காரணம் பெண் இயக்குனர்கள் என்றால் இப்படியான படம்தான் எடுப்பார்கள் என்ற குறுகிய வட்டத்துக்குள் அடைக்கப்படுகிறார்கள். சுதா கொங்கரா போன்றவர்கள் அதை உடைத்திருக்கிறார்கள். நானும் அதை செய்ய விரும்பினேன். அதுதான் இந்தப்படம்.

தூத்துக்குடி பகுதியில் அடிதடி செய்யும் தாதாக்களை தக்ஸ் என்பார்கள். அவர்களை பற்றிய படம்தான் இது. வெவ்வேறு கிராமங்களில் சூழ்நிலை காரணமாக தவறு செய்தவர்கள் சிறையில் அடைக்கப்படுகிறார்கள். அங்கிருந்து தப்பும் அவர்கள் எப்படி தக்ஸாக மாறுகிறார்கள். அவர்கள் வாழ்க்கை என்ன ஆகிறது என்பதுதான் படம். என்றார்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ஹீரோ ஆனார் இயக்குனர் லோகேஷ் கனகராஜ்
• 
  ‛சக்தி திருமகன்' முதல் ‛ஓஜி' வரை : இந்த வார ஓடிடி ஸ்பெஷல்....!
• 
  'பைசன்' படத்தை பாராட்டிய பா.ஜ.,வின் முன்னாள் தலைவர் அண்ணாமலை!
• 
  ஹாட்ரிக் ரூ.100 கோடி வசூலை தந்த பிரதீப் ரங்கநாதன்
• 
  அக்டோபர் 31ல் நெட் பிளிக்ஸ் ஓடிடி தளத்தில் வெளியாகும் தனுஷின் இட்லி கடை!