Dinamalar

பிரபல நடிகரும், இயக்குனருமான டி.பி.கஜேந்திரன் காலமானார்: முதல்வர் நேரில் அஞ்சலி

பிரபல திரைப்பட இயக்குநரும், நடிகருமானவர் டி.பி.கஜேந்திரன் (வயது68). இவர் கே. பாலசந்தர், விசு, ராம நாராயணன் போன்றோரிடம் 60 படங்களில் உதவி இயக்குநராகப் பணியாற்றியவர். மேலும், எங்க ஊரு காவல்காரன், மிடில் கிளாஸ் மாதவன், பட்ஜெட் பத்மநாபன், வீடு மனைவி மக்கள், பாண்டி நாட்டு தங்கம், சீனா தானா, பாட்டு வாத்தியார் உள்ளிட்ட பல்வேறு படங்களை இயக்கியுள்ளார்.

சுமார் 40 ஆண்டுகளுக்கும் மேலான திரையுலக வாழ்வில் நூற்றுக்கும் மேற்பட்ட படங்களில் குணச்சித்திர வேடங்களிலும் நடித்துள்ளார். இந்த நிலையில வயது மூப்பு காரணமாக இயக்குநர் டி.பி.கஜேந்திரன் உடல்நலக் குறைவு ஏற்பட்டு இன்று (பிப்.,5) காலை காலமானார். நேற்று பழம்பெரும் பாடகி வாணிஜெயராம் உயிரிழந்த நிலையில் இன்று இயக்குனர் டி.பி.கஜேந்திரன் மறைவால் திரையுலகினர் சோகத்தில் மூழ்கியுள்ளனர். நடிகர்கள் கவுண்டமணி, ரமேஷ் கண்ணா, செந்தில் உள்ளிட்ட பலரும் நேரில் அஞ்சலி செலுத்தினர்.

முதல்வர் இரங்கல்

கஜேந்திரனின் மறைவிற்கு முதல்வர் ஸ்டாலின் தெரிவித்துள்ள இரங்கல் செய்தி: எனது கல்லூரி நண்பர் டி.பி.கஜேந்திரன் மறைவு வருத்தமளிக்கிறது. கலையுலகிற்கு தனது சிறப்பான பங்களிப்பை வழங்கி வந்தவர் டி.பி.கஜேந்திரன். அவரது குடும்பத்தினர் மற்றும் திரையுலகினருக்கு ஆழ்ந்த இரங்கல். எனத் தெரிவித்துள்ளார். மேலும், சாலிகிராமத்தில் உள்ள கஜேந்திரனின் வீட்டிற்கு முதல்வர் ஸ்டாலின், அமைச்சர் மா.சுப்பிரமணியன் நேரில் அஞ்சலி செலுத்தினர்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  பாலிவுட் நடிகர் ஜூனியர் மெஹ்மூத் காலமானார்
• 
  பாலகிருஷ்ணா 109வது படத்தில் இணைந்த பிரபல பாலிவுட் நடிகை
• 
  வசூலை குவிக்கும் அனிமல் : ரன்பீர் கபூருக்கு முதல் ரூ.500 கோடி படம்
• 
  'ரெட் கார்ப்பெட், ரெட் கவுன்' : நிறைவேறிய ஷாரூக்கான் ஆசை
• 
  பைட்டர் படத்திலிருந்து ஹிர்த்திக் போஸ்டர் வெளியானது

• 
  த்ரிஷா, குஷ்பு, சிரஞ்சீவி மீது ஒரு கோடி நஷ்டஈடு கேட்டு மன்சூர் அலிகான் ...
• 
  நடிகர் டாக்டர் சீனிவாசனுக்கு பிடிவாரண்ட்
• 
  2023ல் ஹிந்தியில் 500 கோடி வசூல் படங்களைக் கொடுத்த தென்னிந்திய இயக்குனர்கள்
• 
  ‛முண்டாசுப்பட்டி' புகழ் நடிகர் ‛மதுரை' மோகன் காலமானார்
• 
  பழம்பெரும் நடிகை லீலாவதி காலமானார்