Dinamalar

2024 சங்கராந்திக்கு தள்ளிப் போகும் ஷங்கரின் ஆர்சி 15

கமல் நடிப்பில் இந்தியன் 2 படத்தை ஷங்கர் இயக்கி வந்தபோது சில பல பிரச்சனைகள் ஏற்பட்டதால் இந்த படத்தை கிடப்பில் போட்டது லைகா நிறுவனம். இதன் காரணமாக ராம்சரண் நடிக்கும் படத்தை இயக்கத் தயாரானார் ஷங்கர். இதையடுத்து அவருக்கும் லைகா நிறுவனத்திற்க்குமிடையே பிரச்சனை ஏற்பட்டு நீதிமன்ற வரை சென்றது. அதில் ஷங்கருக்கு சாதகமான தீர்ப்பு வரவே ராம்சரண் நடிக்கும் 15 ஆவது படத்தை இயக்கி வந்தார். அந்த படத்தை இயக்கிக் கொண்டிருந்தபோது ஷங்கருக்கும், லைகா நிறுவனத்துக்கும் இடையிலான பிரச்சினை சுமுகமாக தீர்த்து வைக்கப்பட்டதை அடுத்து இந்தியன்- 2 படப்பிடிப்பு மீண்டும் தொடங்கப்பட்டது.

இதன் காரணமாக தற்போது இந்தியன்-2, ராம்சரண் -15 ஆகிய இரண்டு படங்களையும் மாறி மாறி இயக்கி வருகிறார் ஷங்கர். இதனால் வேகமாக நடைபெற்று வந்த ஆர்சி -15 படப்பிடிப்பு தற்போது தாமதமாகி வருகிறது. அதோடு ஆர் சி 15 படத்தில் விஷுவல் எபக்ட்ஸ் மற்றும் எடிட்டிங் செய்முறை பல மாதங்கள் நீடிக்க என்றும் கூறப்படுகிறது.

இதன் காரணமாகவே அந்த படத்தின் படப்பிடிப்பு முடிந்து இறுதி கட்டப் பணிகள் முடிவதற்கு அதிக கால அவகாசம் எடுத்துக் கொள்ளும் என்பதால் தற்போது அப்படத்தை 2024 ஆம் ஆண்டு சங்கராந்திக்கு வெளியிட அப்படத்தின் தயாரிப்பாளர் தில்ராஜு முடிவு செய்திருப்பதாக டோலிவுட்டில் ஒரு தகவல் வெளியாகி இருக்கிறது. ஆர் சி -15 படத்தில் ராம்சரண் ஐஏஎஸ் அதிகாரியாக நடிக்கிறார். அவருக்கு ஜோடியாக கியாரா அத்வானியும், ஒரு முக்கிய வேடத்தில் அஞ்சலியும் நடித்து வருகிறார்.

• 
  ‛தெறி' பட ஹீந்தி ரீ-மேக்கில் சல்மான் கான்
• 
  நவராத்திரி : துர்கா தேவியின் ஒன்பது அவதாரங்களை பிரதிபலித்த ஏக்தா ஜெயின்
• 
  அக்ஷய் குமாரின் இரண்டு தோல்விப் படங்கள், அடுத்த வாரம் ஓடிடியில்…
• 
  2025, ஆக., 14ம் தேதியில் வெளியாகும் ‛வார் 2'
• 
  திரிப்தி டிம்ரிக்கு மெஹந்தி போட்டுவிட்ட ராஜ்குமார் ராவ்

• 
  தினசரி லப்பர் பந்து நாயகியின் காலை தொட்டு வணங்கும் கணவர்
• 
  இயக்குனரின் படமாக இருக்குமா ரஜினியின் 'வேட்டையன்'?
• 
  ஹிந்தி பிக்பாஸில் முதல் தமிழ் போட்டியாளராக நுழைந்த சூர்யாவின் கதாநாயகி
• 
  உங்களால் எனக்கு ஏற்பட்ட ரூ.1 கோடி நஷ்டம் : பிரகாஷ்ராஜை விளாசிய ...
• 
  உலக சாதனை புத்தகத்தில் நடிகர் அஜித்தின் நிறுவனம்