Dinamalar

ஒரே நாளில் ஐஸ்வர்யா ராஜேஷின் இரண்டு படங்கள் ரிலீஸ்

தமிழ் சினிமாவில் முன்னணி கதாநாயகிகளில் ஒருவர் ஐஸ்வர்யா ராஜேஷ். முதன்மைக் கதாநாயகியாகவும் நடித்து வருகிறார். தற்போதைய கதாநாயகிகளில் அதிகப் படங்களில் நடித்து வருபவர் இவர்தான்.

ஐஸ்வர்யா கதாநாயகியாக நடித்துள்ள 'ரன் பேபி ரன்' மற்றும் 'தி கிரேட் இந்தியன் கிச்சன்' ஆகிய இரண்டு படங்களும் பிப்ரவரி 3ம் தேதி ஒரே நாளில் வெளியாக உள்ளன. இதற்கு முன்பாக டிசம்பர் 29ம் தேதி 'தி கிரேட் இந்தியன் கிச்சன்' படமும், டிசம்பர் 30ம் தேதி 'டிரைவர் ஜமுனா' படமும் அடுத்தடுத்து வெளியாவதாக அறிவிக்கப்பட்டிருந்தது. கடைசியில் அந்த வெளியீட்டிலிருந்து 'தி கிரேட் இந்தியன் கிச்சன்' படம் விலகியது. 'டிரைவர் ஜமுனா' படத்தை ஏற்கெனவே ஒரு முறை வெளியீட்டுத் தேதி அறிவித்து தள்ளி வைத்ததால் அந்தப் படத்தினை டிசம்பர் 30ம் தேதி வெளியிட்டார்கள்.

இந்த முறை 'தி கிரேட் இந்தியன் கிச்சன்' எந்த விதத்திலும் தங்களது தேதியை மாற்றிக் கொள்ள மாட்டார்கள் எனத் தெரிகிறது. மீண்டும் ஒரு புதிய போஸ்டரை அவர்கள் வெளியிட்டு அதை உறுதி செய்துள்ளார்கள்.

இதனிடையே அடுத்தவாரம் ஜன., 26ல் ரிலீஸ் என அறிவிக்கப்பட்ட 'பர்ஹானா' படம் அன்றைய தினம் வெளியாகவில்லை. பிப்ரவரி மாதக் கடைசிக்கு தள்ளிப் போகலாம் என தெரிகிறது. மேலும், இந்த வருடத்தில் ஐஸ்வர்யா நடித்து வரும், “மோகன்தாஸ், தீயவர் குலைகள் நடுங்க, சொப்பன சுந்தரி” ஆகிய படங்கள் வெளிவர உள்ளன.

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  சோசியல் மீடியாவில் விமர்சித்த ரசிகர்களுக்கு திரிஷா கொடுத்த கமெண்ட்!
• 
  வேறு வழியின்றி விஜய் படத்தை இயக்கினேன் ; தங்கர் பச்சான் மகன் பட விழாவில் ...
• 
  அஜித் குறித்து நெகிழ்ச்சி பதிவிட்ட பிரியா பிரகாஷ் வாரியர்
• 
  'மதராஸி' படத்தின் ரிலீஸ் தேதி குறித்து புதிய அப்டேட்!
• 
  ராகவா லாரன்ஸின் 'காஞ்சனா 4, பென்ஸ்' படங்களின் நிலவரம் என்ன?