Dinamalar

ஆழ்கடல் அதிசயத்திற்கு கூட்டி செல்லும் ‛அவதார் 2' : பிரமிக்க வைக்கும் டிரைலர்

13 ஆண்டுகளுக்கு முன்பு வெளியாகி உலகையே திரும்பிப் பார்க்க வைத்த ஹாலிவுட் படம் ‛அவதார்'. 1500 கோடி ரூபாய் பட்ஜெட்டில் உருவான இந்த படம் அதை விட 20 மடங்கு அதிகமாக வசூலித்து சாதனை படைத்தது. இந்த சாதனையை இதுவரை வேறு எந்த படமும் முறியடிக்கவில்லை. ஜேம்ஸ் கேமரூன் இந்த படத்தை இயக்கி இருந்தார்.

சயின்ஸ் பிக்சன் படமான இதில் கிரகங்களுக்கு இடையில் நடக்கும் சண்டை தான் கதை என்றாலும் இந்த உலகில் வாழும் பேராசை பிடித்த மனிதனுக்கும் இயற்கையோடு இணைந்து வாழும் மற்றொரு கிரக மனிதர்களுக்கும் இடையிலான மோதலை சொன்ன விதத்தில் அனைவரையும் கவர்ந்தது. இந்த படத்தின் தொடர்ச்சியாக மேலும் சில பாகங்கள் வெளிவர உள்ளன.

இதன் இரண்டாம் பாகமான 'அவதார் : தி வே ஆப் வாட்டர்' வருகிற டிசம்பர் மாதம் 16ம் தேதி வெளியாகிறது. இதன் டீசர் கடந்த மே மாதம் வெளியானது. இன்று(நவ., 2) மாலையில் டிரைலரை வெளியிட்டனர்.

முதல் பாகத்தை மிஞ்சும் அளவிற்கு பல ஆச்சர்யங்கள் இந்த டிரைலரில் உள்ளன. பிரமாண்டம் உருவாக்கம், ஆச்சர்யப்பட வைக்கும் காட்சி அமைப்புகள், ஆழ்கடல் அதிசயங்கள், அதில் வாழும் உயிரினங்கள் என ஒவ்வொரு காட்சிகளும் பிரம்மிக்க வைக்கின்றன. இதை பார்க்கும் ரசிகர்கள் பலரும் டிரைலரை பாராட்டி வருகின்றனர். அவதார் 2 டிரைலர் வெளியீட்டிற்கு படம் மீதான எதிர்பார்ப்பும் அதிகமாகி உள்ளது.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...