Dinamalar

'புரமோஷன்' பற்றிய அஜித் கருத்தால் புதிய சர்ச்சை

ஒரு திரைப்படம் வெளிவரும் போது அது பற்றிய செய்திகள், விளம்பரங்கள், புரமோஷன் அவசியம். பாலிவுட் உடன் ஒப்பிடும் போது கோலிவுட் நடிகர்கள் தங்களது படங்களுக்காக பெரிய அளவிலான புரமோஷன் எதுவும் செய்வதில்லை. தாங்கள் நடிக்கும் படங்களைப் பற்றி ஒரு பேட்டியைக் கூட சில நடிகர்கள் தர மறுப்பதும், சிலருக்கு மட்டுமே தருவோம் என்று பாரபட்சம் காட்டுவதும் காலம் காலமாக நடந்து வருகிறது.

நடிகர்களில் குறிப்பாக அஜித், நடிகைகளில் நயன்தாரா ஆகியோர் தாங்கள் நடிக்கும் படங்களின் எந்த ஒரு விழாவிலும் கலந்து கொள்ள மாட்டார்கள். பத்திரிகைப் பேட்டி ஆகியவற்றையும் தர மாட்டார்கள். படங்களில் நடிக்க ஒப்பந்தம் போடும் போதே அதைக் குறிப்பிட்டுவிடுவார்கள் என்பது கோலிவுட் வட்டாரத் தகவல்.

இந்நிலையில் அஜித் நடித்து 2023 பொங்கலுக்கு வெளிவர உள்ள 'துணிவு' படத்திற்காக நடைபெற உள்ள விழாவில் அஜித்தை கலந்து கொள்ள வைக்க பேச்சு வார்த்தை நடந்து வருவதாக செய்திகள் வெளியாகின. அந்த செய்தி பரவியதும் அஜித் தரப்பிலிருந்து அவரது மேனேஜர் சுரேஷ் சந்திரா நேற்று டுவிட்டரில், “ஒரு நல்ல படம் தானே விளம்பரப்படுத்திக் கொள்ளும், நிபந்தனையற்ற அன்பு - அஜித்” என பதிவிட்டிருந்தார்.

அஜித்தின் இந்தக் கருத்து புதிய சர்ச்சைகளை ஏற்படுத்தியுள்ளது. ஒரு படம் பற்றிய செய்திகள் பத்திரிகைகள், இணையதளங்களில் வருவதும், ஒரு படத்திற்கான டீசர், டிரைலர் ஆகியவை வெளியிடுவதும் கூட 'புரமோஷனில்' தான் சேரும். தனது படம் பற்றி எந்த ஒரு தகவலையும், செய்தியையும் வெளியிடாமல் ஒரு நடிகர் தனது படத்திற்குக் கூட்டத்தைச் சேர்க்க முடியாது.

அஜித் சொல்வது போல ஒரு நல்ல படம் தானே விளம்பரத்தைத் தேடிக் கொள்ளும் என்றால் அஜித் நடித்து வெளிவந்து ஓடாத, வசூலிக்காத படங்களை நல்ல படங்கள் இல்லை என்று எடுத்துக் கொள்ளலாமா என்றும் கேள்வி எழுப்புகிறார்கள்.

படத்திற்கு புரமோஷன் செய்வதை ஏற்க மறுக்கும் அஜித், பைக்கில் இந்தியா முழுவதும் சுற்றி வந்ததும் சமூக வலைத்தளங்களில் வெளியானது. அவரது அனுமதி இல்லாமல் அந்தப் படங்கள் எப்படி வெளி வந்தது. அதுவும் ஒரு வகையில் அவருக்கான புரமோஷன்தானே என கோலிவுட்டிலேயே கேட்கிறார்கள்.

தமிழ் சினிமாவில் அஜித்தை விடவும் சாதித்த ரஜினிகாந்த், கமல்ஹாசன் ஆகியோர் அவர்கள் பட சம்பந்தப்பட்ட விழாக்களில் தொடர்ந்து கலந்து கொண்டு வருகிறார்கள். தங்களை நம்பி முதலீடு செய்யும் தயாரிப்பாளர்களுக்கு எந்த பாதிப்பும் வரக் கூடாது என்பதுதான் அதற்குக் காரணம்.

ஒரு படம் நல்ல படமா, மோசமான படமா என்பது படம் வெளிவந்த பிறகுதான் தெரியும். ஒரு படத்தில் நடிக்கும் நடிகர்களும், நடிகைகளும், மற்ற கலைஞர்களும் அது நல்ல படமாக வரும் என்று நினைத்துதான் வேலை செய்வார்கள். ஆனால், அப்படம் வெளியாகும் போது ரசிகர்களுக்கு ஏதோ ஒரு காரணத்திற்காகப் பிடிக்காமல் போகும். மோசமான படம் என்று தெரிந்தே அதில் ஒரு நடிகரோ, நடிகையோ எப்படி நடிக்க சம்மதிப்பார்கள்.

சிம்பிளாக 'எனது பாலிசி' எந்த புரமோஷனுக்கும் வர மாட்டேன் என சொல்லிவிட்டுப் போயிருக்கலாம். அப்படியில்லாமல் புரமோஷன் செய்யும் மற்றவர்களையும் விமர்சிப்பது போல அஜித் கருத்து உள்ளது என்றே பெரும்பாலானோர் நினைக்கிறார்கள்.

• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்

• 
  ஜுலை 4ல் 6 படங்கள் ரிலீஸ்
• 
  2025ன் 6 மாதங்களில் 122 படங்கள் ரிலீஸ்
• 
  விமர்சனம் என்ற பெயரில் சினிமாவை கொலை செய்யும் யூடியூபர்கள்: சுசீந்திரன் ...
• 
  இரண்டேகால் படம் : விமல் சொன்ன புதுக்கணக்கு
• 
  அனிமல் படம் குறித்த விமர்சனத்திற்கு ராஷ்மிகா கொடுத்த பதிலடி