Dinamalar

வெளியீட்டிற்கு முன்பே முதலீட்டை அள்ளிய 'வாரிசு'

தெலுங்கு தயாரிப்பாளரான தில் ராஜு தயாரிப்பில், தெலுங்கு இயக்குனரான வம்சி பைடிபள்ளி இயக்கத்தில், தமன் இசையமைப்பில், விஜய், ராஷ்மிகா மந்தனா மற்றும் பலர் நடிக்கும் படம் 'வாரிசு'. இப்படத்தின் படப்பிடிப்பு தற்போது ஐதராபாத்தில் நடந்து வருகிறது. இந்தக் கட்டப் படப்பிடிப்புடன் பெரும்பான்மையான படம் முடிந்துவிடும் என்று தகவல்.

இதனிடையே, படத்தின் சில வியாபாரங்களை இப்போதே ஆரம்பித்துவிட்டார்களாம். படத்தில் பெரிய நட்சத்திரக் கூட்டமே நடிப்பதால் படத்தின் ஓடிடி, தியேட்டர் உரிமைகளை வாங்க கடும் போட்டி நிலவி வருகிறதாம். ஓடிடி உரிமைக்குத்தான் பல நிறுவனங்கள் போட்டி போட்டதாகத் தகவல். முடிவில் ஓடிடி உரிமையை அமேசான் நிறுவனம் 100 கோடி கொடுத்து வாங்கியதாகவும், சாட்டிலைட் உரிமையை பிரபல டிவி 65 கோடி கொடுத்து வாங்கியதாகவும் தகவல் வெளியாகி உள்ளது. இந்த இரண்டு உரிமைகளும் தமிழ், தெலுங்கு, கன்னடம், மலையாளம், ஆகிய நான்கு மொழிகளுக்குமானதாம். ஹிந்தி உரிமை 30, 40 கோடி வரை போகலாம் என்கிறார்கள்.

படத்தில் விஜய் சம்பளம் மட்டும் 120 கோடி, இதர சம்பளம் தயாரிப்புச் செலவு என 80 கோடி என்றாலும் ஓடிடி, சாட்டிலைட் உரிமைகளிலேயே அந்த முதலீடு திரும்பக் கிடைத்துவிடும் வாய்ப்புள்ளது. தியேட்டர் வியாபாரம் உள்ளிட்டவை தனி. அது பற்றிய விவரங்கள் விரைவில் வெளிவரலாம்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா