Dinamalar

ஒரு வார இடைவெளியில் வெளியாகும் ஒரே இயக்குனரின் 2 படங்கள்

பஹத் பாசில் நடித்த அன்னயும் ரசூலும், துல்கர் சல்மான் நடித்த கம்மட்டிப்பாடம் ஆகிய படங்களை இயக்கியவர் ராஜீவ் ரவி. அடிப்படையில் ஒளிப்பதிவாளரான இவர் நளதமயந்தி படத்தில் மாதவனுக்கு ஜோடியாக நடித்த நடிகை கீது மோகன்தாசின் கணவர். கம்மட்டிப்பாடம் படத்தை முடித்ததும் மீண்டும் ஒளிப்பதிவாளராக மாறி தனது மனைவி இயக்கத்தில் நிவின்பாலி நடித்த மூத்தோன் படத்திற்கு ஒளிப்பதிவு செய்தார்.

அதை தொடர்ந்து நிவின்பாலி நடிக்கும் 'துறமுகம்' (துறைமுகம்) என்கிற படத்தை இயக்க ஆரம்பித்தார். இந்தப்படத்தின் படப்பிடிப்பு பாதி நடைபெற்ற நிலையில் கொரோனா காரணமாக தள்ளிப்போனதால், இளம் நடிகர் ஆசிப் அலியை வைத்து குட்டாவும் சிக்ஷையும் என்கிற போலீஸ் கதையை இயக்க ஆரம்பித்தார்.

இந்த நிலையில் இரண்டு படங்களின் படப்பிடிப்பும் மாறிமாறி நடைபெற்று முடிந்து, தற்போது இரண்டு படங்களுமே ஒரு வார இடைவெளியில் அடுத்தடுத்து வெளியாக இருப்பதுதான் ஆச்சர்யம். குட்டாவும் சிக்ஷையும் மே-27ஆம் தேதியும், துறமுகம் படம் ஜூன்-3ஆம் தேதியும் வெளியாக இருக்கின்றன,

துறமுகம் படம் 1940களில் நடைபெறும் கதையாக, துறைமுக தொழிலார்களின் வாழ்வாதார போராட்டங்களை மையப்படுத்தி உருவாகியுள்ளது. குட்டாவும் சிக்ஷையும் க்ரைம் இன்வெஸ்டிகேஷன் த்ரில்லாராக உருவாகியுள்ளது.

• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2
• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?

• 
  இயக்குனர் ரஞ்சித் மீதான பாலியல் குற்றச்சாட்டு வழக்கை தள்ளுபடி செய்த ...
• 
  என் படத்திற்கு ‛ஜானகி' டைட்டிலை அனுமதித்த சென்சார், சுரேஷ்கோபி படத்தை ...
• 
  மார்கோ 2 நிச்சயம் உருவாகும் : உன்னி முகுந்தன் விலகிய பிறகும் உறுதியாக ...
• 
  உங்களை ஏமாற்ற மாட்டேன் லாலேட்டா : மோகன்லால் மகளை அறிமுகப்படுத்தும் ...
• 
  சுரேஷ் கோபி பட சென்சார் விவகாரம் : சனிக்கிழமை படம் பார்க்கும் நீதிபதி