Dinamalar

27 வருடம் கழித்து 2ம் பாகத்தில் ஹீரோவாக நடிக்கும் பாபு ஆண்டனி

எண்பது, தொண்ணூறுகளில் தமிழ் மற்றும் மலையாள சினிமாக்களில் மிரட்டல் வில்லனாக நடித்தவர் தான் பாபு ஆண்டனி. ஆனால் கடந்த சில வருடங்களாக விண்ணைத்தாண்டி வருவாயா, காக்கா முட்டை, காயங்குளம் கொச்சுண்ணி உள்ளிட்ட பல படங்களில் குணச்சித்திர வேடங்களில் புதிய முகம் காட்டி வருகிறார். தற்போது மணிரத்னம் இயக்கத்தில் பொன்னியின் செல்வன் படத்தில் முக்கிய கதாபாத்திரத்தில் நடித்துள்ளார். அதேசமயம் மலையாளத்தில் ஒரு அடார் லவ் படத்தை இயக்கிய ஓமர் லுலு இவரை கதாநாயகனாக வைத்து பவர்ஸ்டார் என்கிற படத்தை இயக்க உள்ளார்.

இது ஒரு பக்கம் இருக்க 1995ல் பாபு ஆண்டனி கதாநாயகனாக நடித்து வெளியான படம் சந்தா. இந்தப்படம் வெளியான சமயத்தில் பல படங்களில் அவர் வில்லனாக நடித்து வந்தாலும், சந்தா படத்தில் அவர் நடித்த சுல்தான் என்கிற கதாபாத்திரம் இளைஞர்கள் மத்தியில் பரபரப்பாக பேசப்பட்டது. குறிப்பாக அந்தப்படத்தில் பாபு ஆண்டனி அணிந்திருந்த உடை, பேசிய வசனங்கள், அவர் காட்டிய ஸ்டைல் எல்லாமே இளைஞர்களைக் கவர்ந்தது.

இந்த நிலையில் இந்த படத்தின் இரண்டாம் பாகம் உருவாக இருப்பதாக அதிகாரப்பூர்வமாக அறிவித்துள்ளார் பாபு ஆண்டனி. முதல் பாகத்தை இயக்கிய இயக்குனர் சுனில் தான் இந்த இரண்டாம் பாகத்தையும் இயக்க உள்ளார். இந்த கதை குறித்து தற்போது இயக்குனருடன் விவாதித்து வருகிறார் பாபு ஆண்டனி.

• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...

• 
  ருக்மணி வசந்த்தை கவர்ந்த 10 விஷயங்கள்
• 
  தமிழில் தடுமாறும் கதாநாயகியரின் படங்கள்….
• 
  டிசம்பரில் ஓடிடிக்கு வரும் ராஷ்மிகாவின் இரண்டு படங்கள்
• 
  அடுத்தும் தமிழ் இயக்குனர் படத்தில் அல்லு அர்ஜுன்?
• 
  அஞ்சான் - ரீ ரிலீஸிலும் ஏற்பட்ட சிக்கல்