Dinamalar

அற்புதமான தந்தை ஆக போகிறீர்கள் : கணவர் குறித்து காஜல் நெகிழ்ச்சி

காதலர் கவுதம் கிச்சுலு என்பவரை கடந்த 2020ம் ஆண்டு திருமணம் செய்து கொண்ட நடிகை காஜல் அகர்வால், தற்போது 8 மாத கர்ப்பிணியாக இருந்து வருகிறார். இதையடுத்து தனது கர்ப்ப கால அனுபவங்களை சோசியல் மீடியாவில் அவ்வப்போது பகிர்ந்து கொண்டு வரும் காஜல் அகர்வால், தற்போது தனது கணவருக்கு ஒரு நெகிழ்ச்சி பதிவு வெளியிட்டுள்ளார்.

அதில், ஒரு பெண் விரும்பக்கூடிய சிறந்த கணவர் மற்றும் சிறந்த அப்பாவாக நீங்கள் இருப்பதற்கு நன்றி. ஒவ்வொரு நாளும் காலை முதல் இரவு தூங்குவது வரை என்னை கவனித்துக் கொள்வதற்கு நன்றி. எனக்கு ஏதாவது பிரச்சனை என்றால் உடனடியாக மருத்துவரின் அட்வைஸ்படி என்னை நன்றாக கவனித்துக் கொள்கிறீர்கள். அவ்வப்போது அம்மா வீட்டுக்கு அழைத்துச் செல்கிறீர்கள். என்னை நேசிப்பதன் மூலம் நம்முடைய அன்பான குழந்தையும் நீங்கள் நேசத்துடன் எதிர்பார்க்கிறீர்கள். நீங்கள் ஒரு சிறந்த தந்தையாக இருப்பீர்கள் என்பதை நான் உணர்கிறேன்.

நீங்கள் ஒரு முன்மாதிரி அப்பாவாக இருக்கப் போகிறீர்கள். அதோடு இனிமேல் நமது வாழ்க்கை சவாலாக இருக்கப் போகிறது. காரணம் கூடிய சீக்கிரமே நமக்கு அழகான குழந்தை பிறக்கும். இதனால் வார இறுதி நாட்களில் திரைப்படங்களுக்கும் அல்லது பொது நிகழ்ச்சிகளுக்கும் செல்ல முடியாது. தூக்கமில்லாத இரவுகள் இருந்தாலும் உடல் நிலை சரியில்லாமல் போனாலும் நம் வாழ்வில் சிறந்த மகிழ்ச்சி இருக்கப் போகிறது. என்றாலும் எப்போதும் மாறாமல் இருப்பது நான் உங்களை நேசிப்பது தான். நீங்கள் என் அருகில் இருப்பதைதான் மிகப் பெரிய பாக்கியமாக கருதுகிறேன். நீங்கள் ஒரு அற்புதமான தந்தையாக இருக்கப்போகிறீர்கள் என்று மகிழ்ச்சியுடன் பதிவிட்டுள்ளார் நடிகை காஜல் அகர்வால்.

• 
  வசூல் கொட்டுது... : 10 நாளில் ரூ.552.70 கோடியை குவித்த ‛துரந்தர்'
• 
  நான் அழுதால் நீங்கள் சிரிப்பீர்கள் ; சல்மான்கான் வெளிப்படை பேச்சு
• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்

• 
  ஹனி ரோஸின் ‛ரேச்சல்' படம் ரிலீஸ் ஒத்திவைப்பு
• 
  புத்தாண்டு தினத்தில் அஜித் 64வது பட அறிவிப்பு வெளியாகிறதா?
• 
  கருப்பு படத்தின் சாட்டிலைட் உரிமையை வாங்கிய ஜீ தமிழ் சேனல்
• 
  மதுப்பழக்கம் துவங்கியது புகுந்த வீட்டில் தான்; நடிகை ஊர்வசி
• 
  எம்ஜிஆர் நினைவுநாளில் 'வா வாத்தியார்' வருகிறார்…???