Dinamalar

குதிரைவால் மார்ச் 4-ல் ரிலீஸ்

நட்சத்திரம் நகர்கிறது படத்தை இயக்கி முடித்துள்ள பா. ரஞ்சித் அடுத்தபடியாக விக்ரம் நடிக்கும் புதிய படத்தை இயக்கும் பணியில் ஈடுபட்டுள்ளார். இந்த நிலையில் தனது நீலம் புரொடக்சன்ஸ் சார்பில் தொடர்ந்து படங்களை தயாரித்து வரும் பா. ரஞ்சித், தற்போது கலையரசன் நாயகனாக நடித்துள்ள குதிரைவால் என்ற படத்தையும் தயாரித்து இருக்கிறார்.

மனோஜ் லியோன் ஜாசன் மற்றும் சியாம் சுந்தர் இணைந்து இயக்கியுள்ள இந்த படத்தில் கலையரசனுக்கு ஜோடியாக அஞ்சலி பட்டேல் நடித்திருக்கிறார். பிரதீப் குமார் இசையமைத்துள்ளார். இந்நிலையில் இந்த படம் வருகிற மார்ச் 4ஆம் தேதி திரையரங்குகளில் வெளியாவதாக அறிவிக்கப்பட்டுள்ளது.

இது அறிவியல் புனைவுப்படமாகவும், வழக்கமான சினிமாவிலிருந்து மாறுபட்டதாகவும் , மேஜிக்கல் சினிமாவாகவும் இந்தப் படத்தின் திரைக்கதை அமைந்துள்ளது. தமிழ் சினிமாவில் மட்டுமல்லாமல் இந்திய சினிமாவிலும் இது புதிய முயற்சியாக இருக்கும் என நீலம் தயாரிப்பு நிறுவனம் தெரிவித்துள்ளது. படத்தின் பெரும்பான்மையான காட்சிகள் கிராபிக்ஸ் முறையில் உருவாக்கப்பட்டுள்ளது.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  '3 பிஎச்கே' முதல் 'தம்முடு' வரை: இந்த வார ஓடிடி ரிலீஸ் என்னென்ன?
• 
  ரிஷப் ஷெட்டியின் புதிய படத்தின் அப்டேட்!
• 
  சென்னை கல்லூரி சாலை நடிகர் ஜெய்சங்கர் சாலை ஆகிறது
• 
  மீண்டும் இணையும் பாண்டிராஜ், விஜய் சேதுபதி கூட்டணி!
• 
  சரியான நேரம் அமையும் போது சூர்யாவை வைத்து படம் இயக்குவேன் -லோகேஷ் கனகராஜ்!