Dinamalar

'ஆர்ஆர்ஆர்' படத்தின் பிரமோஷன் செலவு எத்தனை கோடி தெரியுமா ?

ராஜமவுலி இயக்கத்தில், ஜுனியர் என்டிஆர், ராம்சரண் மற்றும் பலர் நடிக்கும் 'ஆர்ஆர்ஆர்' படம் ஜனவரி 7ம் தேதி உலகம் முழுவதும் தெலுங்கு, தமிழ், ஹிந்தி, கன்னடம், மலையாளம் ஆகிய மொழிகளில் வெளியாக உள்ளது.

இப்படத்திற்கான பிரமோஷனை மிகவும் திட்டமிட்டு படக்குழுவினர் செய்து வருகிறார்கள். முதலில் படத்திற்கான ஒரு கட்ட பிரமோஷன் இரண்டு வாரங்களுக்கு முன்பே நடந்தது. அப்போது ராஜமவுலி, ஜுனியர் என்டிஆர, ராம் சரண், ஆலியா பட் உள்ளிட்டவர்கள் ஐதராபாத், சென்னை, பெங்களூரூ, மும்பை ஆகிய இடங்களில் நடந்த நிகழ்வுகளில் கலந்து கொண்டனர்.

அடுத்த கட்ட பிரமோஷன் மும்பையில் ஆரம்பமானது. அங்கு பல டிவிக்கள், இணையதளங்கள், யூ டியூப் சேனல்கள் ஆகியவற்றிற்கு அவர்கள் பேட்டிகளைக் கொடுத்தார்கள். அடுத்து சென்னை, திருவனந்தபுரம் ஆகிய ஊர்களில் ராஜமவுலி, ஜுனியர் என்டிஆர், ராம்சரண் ஆகியோர் கலந்து கொண்டனர். பிரம்மாண்ட விழாக்கள், பேட்டிகள் என கொடுத்தார்கள்.

அடுத்த கட்டமாக பெங்களூரு, ஐதராபாத்திலும் இது போல நடக்க உள்ளது. இப்படி ஊர் ஊராகச் சென்று பிரமோஷன் செய்வது, டிவி, இணையதள விளம்பரங்கள் என மொத்தமாக பிரமோஷனுக்கு மட்டுமே தயாரிப்பு நிறுவனம் 20 கோடி வரை செலவு செய்கிறதாம்.

'பாகுபலி' படங்கள் மூலம் தெலுங்கு சினிமாவை இந்திய அளவிலும், உலக அளவிலும் கொண்டு சென்ற ராஜமவுலி, 'ஆர்ஆர்ஆர்' படத்தை 'பாகுபலி' படங்களை விடவும் அதிக அளவில் கொண்டு போய் சேர்ப்பார் என டோலிவுட்டினர் பெரு மகிழ்ச்சியில் உள்ளனர்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா