Dinamalar

பெண் வேடம் போட்ட சீரியல் நடிகர் : வைரலாகும் புகைப்படங்கள்

சீரியலுக்காக பெண் வேடம் போட்ட நடிகரின் புகைப்படங்கள் இணையத்தில் வைரலாகி வருகிறது. சின்னத்திரையில் தொலைக்காட்சிகள் தங்களுக்குள் போட்டி போட்டுக் கொண்டு சீரியல்களை ஒளிபரப்பி வருகிறது. எனவே அதிக பட்ச சுவாரஸ்யத்துடன் திரைக்கதையை நகர்த்தி செல்ல சீரியல் இயக்குநர்களும் ஏதேதோ மேஜிக்குகளை லாஜிக்கை மறந்து செய்து வருகின்றனர்.

அந்த வரிசையில் வானத்தை போல தொடர் தற்போது நல்ல வரவேற்பை பெற்றுள்ளது. குறிப்பாக துளசியின் திருமணம் யாருடன் எப்படி நடக்கப்போகிறது என்பதை சில நாட்களாக பல ட்விஸ்டுகளுடன் ஓட்டி வருகின்றனர். இந்நிலையில் ராஜபாண்டியுடனான துளசியின் திருமணத்தை நிறுத்த வெற்றி பல்வேறு முயற்சிகளை செய்து வருகிறார். இறுதியில் அவர் பெண் வேடமிட்டு சில திட்டங்களை செய்து வருவதாக கதை நகர்கிறது. வெற்றி கதாபாத்திரத்தில் நடித்து வரும் அஸ்வந்த் திலக் இந்த காட்சிகளுக்காக தன் மீசை எடுத்து பெண் போல் வேடமிட்டுள்ளார். பார்ப்பதற்கு அப்படியே பெண் போல் காட்சியளிக்கும் அஸ்வந்த் தன்னுடன் நடிக்கும் சக நடிகைகளுடன் நின்று கொண்டு பெண் போல பாவனைகள் செய்து போட்டோ எடுத்துள்ளார். மேலும் பெண் போல் நடித்த ஷார்ட் வீடியோக்களையும் இன்ஸ்டாவில் வெளியிட்டுள்ளார். தற்போது அந்த புகைப்படங்கள் இன்ஸ்டாவில் வைரலாகி வருகின்றன.

• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு

• 
  சங்கே முழங்கு, தனி ஒருவன், தலைவன் தலைவி - ஞாயிறு திரைப்படங்கள்
• 
  காதலிக்க நேரமில்லை, முதல்வன், இட்லி கடை - ஞாயிறு திரைப்படங்கள்
• 
  பல்லாண்டு வாழ்க, சந்திரமுகி, லோகா சாப்டர் 1 - ஞாயிறு திரைப்படங்கள்
• 
  தொழில் அதிபரிடம் ரூ.10 லட்சம் மோசடி : சொகுசு காருடன் மாயமான 'டிவி' நடிகை
• 
  சீரியல் நடிகை நந்தினி தற்கொலை