Dinamalar

‛‛கிராமத்தான் கோபப்பட்டா காட்டாறு....'' - அதிரடி காட்டும் அண்ணாத்த டீசர்

சிவா இயக்கத்தில் ரஜினிகாந்த், நயன்தாரா, கீர்த்தி சுரேஷ் , குஷ்பு, மீனா, யோகி பாபு, ஜெகபதிபாபு உள்ளிட்ட ஏகப்பட்ட நட்சத்திரங்கள் நடிப்பில் உருவாகி உள்ள படம் ‛அண்ணாத்த. இமான் இசையமைத்துள்ளார். இப்படம் தீபாவளிக்கு வெளிவர உள்ள நிலையில் படத்தின் மோஷன் போஸ்டர், இருபாடல்கள் வெளியாகி ரசிகர்களிடம் வரவேற்பை பெற்றது. இப்போது ஆயுத பூஜை திருநாளில் டீசரை வெளியிட்டுள்ளனர்.

1.44 நிமிடம் ஓடக்கூடிய இந்த டீசர் மொத்தமும் ரஜினி மட்டுமே உள்ளார். ‛‛கிராமத்தானை குணமாத்தான பார்த்திருப்ப... கோபப்பட்டு பார்த்தது இல்லையே... காட்டாறு... அவனுக்கு கரையும் கிடையாது, தடையும் கிடையாது... எனும் வசனம் பேசியபடி ஆக்ஷனில் இறங்குகிறார். ஆங்காங்கே திருவிழா காட்சிகள், ஆக்ஷன் என இந்த டீசர் பயணிக்கிறது. டீசரின் முடிவில் வா சாமி என ரஜினி கூற ஒவ்வொரு டிரக் வாகனமும் வெடித்து சிதறுவது போன்று முடித்துள்ளனர்.

இந்த டீசரை பார்க்கும்போது என்ன மாதிரியான கதை என புரிந்து கொள்ள முடியவில்லை, அதேசமயம் நிச்சயம் கிராமத்து மண்வாசனை கலந்த அதிரடி ஆக்ஷன் படமாகவும், குடும்ப படமாகவும் இருக்கும் என்பதை மட்டும் உணர முடிகிறது. விஸ்வாசம் படத்தில் பல காட்சிகளை ஆங்காங்கே நினைவுப்படுத்துகிறது. படத்தில் ஏகப்பட்ட நட்சத்திரங்கள் இருந்தும் துளி கூட அவர்களது முகங்களை காட்டவில்லை. ரஜினி மட்டுமே டீசர் முழுக்க வருகிறார்.

அண்ணாத்த படத்தின் டீசரை ரஜினி ரசிகர்கள் வரவேற்றுள்ளனர். அரைமணிநேரத்திலேயே 3.25 லட்சத்திற்கும் அதிகமான பார்வைகளை பெற்றதோடு டுவிட்டரில் தேசிய அளவில் டிரெண்டிங் ஆனது.

• 
  தெலுங்கு படத்திலிருந்து ஜாக்குலின் நீக்கம்
• 
  ஆபாச காட்சிகளால் ஓடிடியில் வெளியாகும் தீபிகா படம்
• 
  சுதீப்புடன் ஜோடியாக நடிக்க மறுத்த மாடல் அழகி
• 
  விக்ரம் வேதா ஹிந்தி ரீமேக் ரிலீஸ் எப்போது?
• 
  மோசடி மன்னனுடன் தொடர்பு : விமான நிலையத்தில் ஜாக்குலின் பெர்ணாண்டஸ் ...

• 
  நான் வலிமையான பெண் : சமந்தா
• 
  அதர்வாவின் குருதி ஆட்டம் படத்திற்கு யுஏ சான்று
• 
  முருங்கைக்காய் சிப்ஸ் படத்துக்கு ஏ சான்று
• 
  இளையராஜா - யுவன் இசையில் சினிமா பாடகராக அறிமுகமாகும் ‛சூப்பர் சிங்கர்' ...
• 
  பேண்டஸி படத்தில் யோகி பாபு