Dinamalar

வில்லன் நடிகரின் வீண் பிடிவாதத்தால் மோகன்லால் ராஜினாமா செய்தார் : மாலா பார்வதி

மலையாள திரையுலகில் கடந்த வருடம் வெளியான நீதிபதி ஹேமா கமிஷன் அறிக்கை ஏற்படுத்திய தாக்கம் காரணமாக, திரை உலகில் உள்ள பல நடிகர்கள் மற்றும் இயக்குனர்கள் மீது பாலியல் குற்றச்சாட்டுகள் சுமத்தப்பட்டன. சிலர் கைது செய்யப்பட்டு பின்னர் ஜாமீனில் விடுதலை செய்யப்பட்டார்கள். இதில் மலையாள நடிகர் சங்கமான அம்மாவின் முக்கிய நிர்வாகிகளான சில நடிகர்களின் மீதும் இந்த குற்றச்சாட்டுகள் வைக்கப்பட்டதால் அதற்கு தார்மீக பொறுப்பேற்று நடிகர் சங்க தலைவரான மோகன்லால் தனது பதவியை ராஜினாமா செய்தார். அவருடன் சேர்ந்து முக்கிய நிர்வாகிகள் அனைவரும் கூண்டோடு ராஜினாமா செய்தனர். விரைவில் நடிகர் சங்கத்திற்கான புதிய தேர்தல் நடைபெற இருக்கிறது. இதற்காக பலரும் தற்போது விண்ணப்பித்து வருகின்றனர்.

இந்த நிலையில் நடிகர் சங்கத்தில் முக்கிய பொறுப்பில் ஆக்டிவாக செயல்பட்டு வந்த குணச்சித்திர நடிகை மாலா பார்வதி இந்த மறு தேர்தல் குறித்து கூறும்போது, “நடிகர் சங்கத்தில் இருந்த பல நிர்வாகிகள் மீது பாலியல் குற்றச்சாட்டுகள் இருந்தன. நடிகரும், தயாரிப்பாளருமான விஜய் பாபு மீது அப்படி ஒரு குற்றச்சாட்டு எழுந்தபோது கூட அவர் தனது பதவியை ராஜினாமா செய்தார். ஆனால் வில்லன் நடிகர் பாபுராஜ் மீது அப்படி ஒரு பாலியல் குற்றச்சாட்டு வந்தபோது அவர் தனது பதவியை ராஜினாமா செய்ய மறுத்தார். இத்தனைக்கும் மோகன்லால் அவர் ராஜினாமா செய்ய வேண்டும் என்பதை வலியுறுத்தியும் கூட அவர் கேட்கவில்லை. அப்படி அவர் மறுத்ததால் தான் இனி இந்த தலைவர் பதவியில் இருப்பதற்கு அவசியம் இல்லை என்று கருதிய மோகன்லால் அதன்பிறகு ராஜினாமா செய்தார்” என்று ஒரு புதிய தகவலை கூறியுள்ளார் மாலா பார்வதி.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  ‛ஐ நோபடி' படப்பிடிப்பை நிறைவு செய்த பிரித்விராஜ்
• 
  கார் விபத்தில் இளைஞர்கள் காயம் : நிற்காமல் சென்ற மலையாள நடிகர் கைதாகி ...
• 
  ஆக்சன் காட்சிகளை படமாக்க பிப்ரவரியில் ஜோர்டனுக்கு பறக்கும் டிராகன் குழு
• 
  வெங்கடேஷ் படத்தில் பஹத் பாசில்
• 
  வழக்கமான ராணுவ படம் அல்ல : மோகன்லால் 367வது பட இயக்குனர் தகவல்