Dinamalar

விவாகரத்து செய்த மனைவிகள் பற்றி ஒருபோதும் தவறாக பேசியது இல்லை ; நடிகர் முகேஷ்

மலையாளத்தில் தொண்ணூறுகளில் ஹீரோவாகவும் தற்போது குணச்சித்திர நடிகராகவும் நடித்து வருபவர் முகேஷ். கேரளாவின் சட்ட மன்ற உறுப்பினராகவும் இருக்கிறார். தமிழில் ஜாதிமல்லி, ஐந்தாம்படை உள்ளிட்ட சில படங்களில் நடித்திருந்தாலும் நடிகர் சரிதாவின் கணவர் என்கிற வகையில் தமிழ் ரசிகர்கள் மத்தியிலும் ஓரளவு பிரபலமானவர். கடந்த 1988ல் சரிதாவை திருமணம் செய்துகொண்ட முகேஷ் 2011ல் அவரை விவாகரத்து செய்தார். அதன்பின் 2013ல் மெத்தில் தேவிகா என்கிற நாடக நடிகையை மறுமணம் செய்துகொண்டார்.

ஆனால் 8 வருட திருமண வாழ்க்கைக்கு பிறகு முகேஷிடம் இருந்து விவாகரத்து பெறுவதற்காக மெத்தில் தேவிகா நீதிமன்றத்தில் விண்ணப்பித்தது மிகப்பெரிய அதிர்வுகளை ஏற்படுத்தியது. தற்போது மெத்தில் தேவிகாவும் முகேஷிடம் இருந்து விவாகரத்து பெற்று பிரிந்து விட்டார். இந்த நிலையில் சமீபத்தில் முகேஷ் நடிப்பில் வெளியான பிலிப்ஸ் என்கிற திரைப்படம் ஓரளவுக்கு வெற்றி படமாக அமைந்துள்ளது. இதை தொடர்ந்து மீடியாக்களில் படம் குறித்த அனுபவங்களை பேட்டி கொடுத்து வருகிறார் முகேஷ்.

அப்போது தன்னுடைய சொந்த வாழ்க்கை குறித்து அவர் கூறும்போது, “நான் ஒருபோதும் சரிதா பற்றியோ அல்லது தேவிகா பற்றியோ எந்த இடத்திலும் குறை சொல்லியோ, விமர்சித்தோ பேசியது இல்லை. விவாகரத்து என்பதும் வாழ்க்கையின் ஒரு பகுதி தான் என்பதை நான் உணர்ந்தே இருக்கிறேன். என்னைப்போலவே அவர்களுக்கும் மனது இருக்கிறது.. அதனால் தான் அவர்கள் எடுத்த அந்த முடிவுக்கு என்னால் எளிதாக உடன்பட முடிந்தது. என்னுடைய குழந்தைகளிடம் கூட எப்போதும் உங்களது அம்மாக்களை காயப்படுத்தும்படி பேசிவிட வேண்டாம் என்று தான் அறிவுறுத்தியுள்ளேன்” என்று கூறியுள்ளார் நடிகர் முகேஷ்.

• 
  திரிப்தி டிம்ரிக்கு மெஹந்தி போட்டுவிட்ட ராஜ்குமார் ராவ்
• 
  நான் ஒரு சின்ன நடிகர் : பாலிவுட் நடிகரை அதிர வைத்த பஹத் பாசில்
• 
  தேசிய விருது பெற்ற 'ஏஆர்எம்' பட நடிகையை ஞாபகம் வைத்து பாராட்டிய அக்ஷய் ...
• 
  தணிக்கை குழுவிடம் பணிந்தார் கங்கனா
• 
  துப்பாக்கி தவறுதலாக வெடித்ததில் நடிகர் கோவிந்தா காயம்

• 
  2024க்கான உலகின் மிகச்சிறந்த 25 ஹாரர் படங்களில் 2ம் இடம் பிடித்த பிரம்மயுகம்
• 
  மலையாள நடிகர் கீரிக்காடன் ஜோஸ் மறைவு: மோகன்லால், மம்முட்டி இரங்கல்
• 
  முன்னணி நடிகர்களுடன் படுக்கையை பகிரச் சொன்ன ஜாபர் இடுக்கி: நடிகை ...
• 
  பாலியல் புகார் தொடர்பாக நிவின்பாலியிடம் சிறப்பு புலனாய்வு குழு விசாரணை
• 
  ஏமாற்றம் அடைந்த இயக்குனருக்கு இரண்டாவது வாய்ப்பு கொடுத்த நிகிலா விமல்