Dinamalar

மோகன்லால் படத்தை விட கல்யாணியின் படம் காட்சிகள் அதிகரிப்பு

இந்த வருட ஓணம் பண்டிகை கொண்டாட்டமாக மலையாளத்தில் மோகன்லால் நடிப்பில் ஹிருதயபூர்வம், பஹத் பாசில் நடிப்பில் ஓடும் குதிரை சாடும் குதிரை மற்றும் கல்யாணி பிரியதர்ஷன் நடிப்பில் லோகா சாப்டர் 1 சந்திரா ஆகிய படங்கள் வெளியாகின. தொடரும் படத்தின் மிகப்பெரிய வெற்றிக்கு பிறகு வெளியாகும் மோகன்லால் படம் என்பதால் ஹிருதயபூர்வம் படத்திற்கும் மிகுந்த எதிர்பார்ப்பு இருந்தது. அதேபோலத்தான் பஹத் பாசில் படமும். ஆனால் இந்த இரண்டு படங்களும் ரசிகர்களின் எதிர்பார்ப்பை ஈடுகட்ட தவறிவிட்டன. அதே சமயம் சூப்பர் வுமன் கதை அம்சத்துடன் வெளியாகிய கல்யாணி பிரியதர்ஷனின் லோகா சாப்டர் 1 சந்திரா திரைப்படம் ரசிகர்களிடம் மிகப்பெரிய வரவேற்பு பெற்றுள்ளது.

படம் வெளியான மறுநாளில் இருந்தே இந்த படத்திற்கு காட்சிகள் அதிகரிக்கப்பட்டுள்ளன. இது எந்த அளவிற்கு என்றால் மோகன்லால், பஹத் பாசில் படத்தை விட கல்யாணியின் படத்திற்கு காட்சிகள் அதிக அளவில் திரையிடப்பட்டுள்ளன. இன்று (ஞாயிறு) கொச்சியில் உள்ள திரையரங்குகளில் மட்டும் லோகா 196 காட்சிகளும் ஹிருதயபூர்வம் 134 காட்சிகளும் ஓடும் குதிரை சாடும் குதிரை 82 காட்சிகளும் திரையிடப்பட்டுள்ளதே இதற்கு சான்று. கேரளா முழுவதிலும் கல்யாணியின் படத்திற்கு காட்சிகளின் எண்ணிக்கை அதிகரித்துள்ளது.

• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்

• 
  ரசிகர்களை உற்சாகப்படுத்த தியேட்டர்களில் வெளியாகும் திரிஷ்யம் 2
• 
  டில்லியில் ஹேமமாலினியின் பாதங்களைத் தொட்டு வணங்கிய பாலகிருஷ்ணா
• 
  ‛ப்ரோ 2' ஸ்கிரிப்ட் ரெடி : பவன் கல்யாணின் கிரீன் சிக்னலுக்கு ...
• 
  'பெத்தி' படப்பிடிப்பில் ராம்சரணுக்கு கண்ணில் காயம் பட்டதா ? ...
• 
  26வது பிறந்தநாளை தந்தையுடன் கொண்டாடிய திலீப் மகள் ; தாயுடன் பத்து வருடமாக ...