Dinamalar

'சாவா' : 2025ன் முதல் ரூ.500 கோடி படம்

லட்சுமண் உடேகர் இயக்கத்தில் விக்கி கவுஷல், ராஷ்மிகா மந்தனா மற்றும் பலர் நடிப்பில் கடந்த மாதம் வெளியான படம் 'சாவா'. மராட்டிய மன்னர் சாம்பாஜி மகாராஜின் வாழ்க்கையை தழுவி சரித்திரப் படமாக வெளியான இந்தப் படத்திற்கு ரசிகர்கள் பெரும் வரவேற்பைக் கொடுத்துள்ளனர். ஹிந்தியில் மட்டுமே வெளியானதால் வட இந்திய வசூல்தான் இப்படத்திற்கு பிரதானமாக இருந்தது. அதுவே மொத்த வசூல் 650 கோடியைக் கடப்பதற்குக் காரணமாக அமைந்தது. நிகர வசூலாக 500 கோடி வசூலை நெருங்கிவிட்டது.

சுமார் 150 கோடி பட்ஜெட்டில் தயாரான இந்தப் படம் இவ்வளவு வசூலைக் குவித்து பெரிய லாபத்தைக் கொடுத்துள்ளது. 2025ம் ஆண்டின் முதல் 500 கோடி வசூலைக் கடந்த படமாக இந்தப் படம் அமைந்துள்ளது.

கடந்த வருடம் வெளியான ஹிந்திப் படங்களில் 'ஸ்திரி 2' படம் 800 கோடிக்கும் அதிகமான வசூலைக் கடந்து முதலிடத்தைப் பிடித்தது. அந்த ஹிந்திப் படத்தை விடவும் தெலுங்குப் படங்களான 'கல்கி 2898 ஏடி, புஷ்பா 2' ஆகியவை 1000 கோடிக்கும் அதிகமான வசூலைக் கடந்தன.

'ஸ்திரி 2' படத்தின் வசூலை 'சாவா' முறியடிக்குமா என்பதைப் பொறுத்திருந்துதான் பார்க்க வேண்டும்.

• 
  ஆண்களுக்கும் 'பீரியட்ஸ்' ; சலசலப்பை கிளப்பிய ராஷ்மிகாவின் கருத்துக்கு ...
• 
  ரூ.100 கோடி வசூலை குவித்த 'டியூட்' முதல் வரிசை கட்டும் இந்த வார ஓடிடி ...
• 
  ஜேசன் சஞ்சய் எடுத்த சரியான முடிவு : விக்ராந்த் வெளியிட்ட தகவல்
• 
  லோகா படத்தின் புதிய பாகத்தில் மம்முட்டி : துல்கர் சல்மான் தகவல்
• 
  சின்மயியிடம் தொடர்ந்து கோரிக்கை வைத்த ஜானி மாஸ்டரின் மனைவி

• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா
• 
  நலமுடன் வீடு திரும்பினார் தர்மேந்திரா
• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'
• 
  மன்னிக்க முடியாதது : ஹேமமாலினி கோபம்