Dinamalar

'100' சிகரெட் டூ '0' சிகரெட் : ஷாரூக்கான் அதிரடி

பாலிவுட்டில் பல சினிமா நடிகர்கள், ஏன் நடிகைகள் கூட சிகரெட் பிடிக்கும் பழக்கமும், குடிப்பழக்கமும் கொண்டவர்கள். இங்குள்ளவர்களைப் போல மறைத்து நடப்பதெல்லாம் அங்கு கிடையாது. வெளிப்படையாகவே தங்களது தனிப்பட்ட பழக்கங்களைக் காட்டிக் கொள்வார்கள்.

பாலிவுட்டின் வசூல் நாயகனாக ஷாரூக்கான் 'செயின் ஸ்மோக்கர்' ஆக இருந்தவர். ஒரு நாளைக்கு 100 சிகரெட்டுகளுக்கும் மேல் பிடிக்கும் பழக்கம் கொண்டவராம். தற்போது ஒரு சிகரெட் கூட பிடிப்பதில்லை என சமீபத்தில் நடந்த ரசிகர்களின் சந்திப்பில் தெரிவித்துள்ளார்.

தனக்கு மூச்சுத் திணறல் பிரச்சனை இருப்பதாகவும், புகை பிடிப்பதை நிறுத்தினால் அது குறையும் என நிறுத்தியதாகவும் கூறியுள்ளார். இருந்தாலும் மூச்சுத் திணறல் இன்னும் குறையவில்லை. அதே சமயம் புகை பிடிக்கும் பழக்கத்தை விட்டுவிட்டதால் அதன் பலனை நன்றாக உணர்கிறேன் என்றும் குறிப்பிட்டுள்ளார்.

சினிமாவில் நடிகர்கள் புகை பிடிப்பதையும், குடிப்பதையும் பார்த்துத்தான் பலரும் அந்தப் பழக்கத்திற்கு அடிமையாகிறார்கள் என்பது பலரது கருத்து. தமிழ் சினிமாவில் முன்னணி நடிகர்கள் பலரும் புகை பிடிக்கும் போஸ்டர்களைக் கூட தங்கள் பட விளம்பரங்களில் பயன்படுத்தி வருகிறார்கள். மக்கள் மீதான சமூக அக்கறை அவர்களுக்குத் துளியும் இல்லை என சமூக ஆர்வலர்கள் அப்படியான போஸ்டர்கள் வரும் போது கண்டங்களைத் தெரிவிக்கிறார்கள். ஆனால், நடிகர்கள் அதை நிறுத்துவதாகத் தெரியவில்லை.

• 
  பரவசம் உள்ள பக்தி பாடல், பலரும் ரசித்த திரைப்பாடல்... பாடி பறந்த பூவை ...
• 
  பாடலாசிரியர், கவிஞர் பூவை செங்குட்டுவன் காலமானார்
• 
  ஆசிய நடிகர் விருது வென்ற டொவினோ தாமஸ்
• 
  லப்பர் பந்துக்கு பிறகு 100 கதைகள் கேட்டும் திருப்தியில்லை : தினேஷ்
• 
  பிரேம்ஜியின் மனைவிக்கு வளைகாப்பு

• 
  ரூ.60 கோடி மோசடி வழக்கு : நடிகை ஷில்பா ஷெட்டிக்கு எதிராக லுக் அவுட் நோட்டீஸ்
• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'
• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்