Dinamalar

சினிமா ஆகிறது பிரதமர் மோடியின் சாதனைகள்

பாரத பிரதமர் நரேந்திர மோடியின் வாழ்க்கை ஏற்கெனவே 'பி.எம்.நரேந்திர மோடி' என்ற பெயரில் தயாராகி வெளிவந்தது. ஓமங் குமார் இந்த படத்தை இயக்கி இருந்தார். விவேக் ஓபராய் நரேந்திர மோடியாக நடித்திருந்தார். இந்த நிலையில் நரேந்திர மோடியின் வாழ்க்கை மற்றுமொரு படமாக தயாராகிறது. முந்தைய படத்தில் அவரது பால்ய கால வாழ்க்கை முதல் அரசியலுக்கு வருவது வரையிலான வரலாற்றை கொண்டது.

இந்த படம் அவர் பிரதமரான பிறகு செய்த சாதனைகளை மையமாக கொண்டு உருவாகிறது. குறிப்பாக சட்டப்பிரிவு 370-ஐ ரத்து செய்தது, பண மதிப்பு இழப்பு, ஜி.எஸ்.டி அறிமுகம், அயோத்தி ராமர் கோவில் பிரதிஷ்டை போன்ற முக்கிய நிகழ்வுகள் படத்தில் இடம்பெற இருக்கின்றன.

சி.எச்.கிராந்தி குமார் இயக்கும் இந்த படத்துக்கு 'விஸ்வநேதா' என்று டைட்டில் வைத்துள்ளனர். தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் தயாராகிறது. அபய் தியோல், நீனா குப்தா, அனுபம் கெர், பல்லவி ஜோஷி முக்கிய கதாபாத்திரங்களில் நடிக்கிறார்கள். எம்.எம்.கீரவாணியின் மகன் கால பைரவா இசையமைக்கிறார். படப்பிடிப்பு விரைவில் தொடங்க இருக்கிறது. நரேந்திர மோடியாக நடிக்க நடிகர் தேர்வு மும்முரமாக நடந்து வருகிறது.

• 
  அடுத்த ஜேம்ஸ்பாண்ட் யார்?
• 
  அமைச்சர் ராஜ்மோகனுக்கு ஏன் அந்த இலாகா? நடிகர் விஷால் கேள்வி
• 
  பஹத் பாசில் - பிரேம்குமார் இணையும் புதிய படம் துவக்கம்
• 
  விஜய்க்கு அவகாசம் தரணும்... ரஜினியுடன் போட்டிதான், பொறாமை இல்லை: கமல் ...
• 
  கருப்பு : இரண்டே நாளில் 50 கோடி வசூல் ?

• 
  துரந்தர் 2 : ஓயே ஓயே பாடலுக்கு தடை விதிக்க நீதிமன்றம் மறுப்பு
• 
  துரந்தர் 2 : ஓடிடி வெளியீடு இரண்டு வாரம் தள்ளி வைப்பு
• 
  பெண் ஓவியரின் பயோபிக்கில் நடிக்கும் அஞ்சலி சிவராமன்
• 
  விவாகரத்து செய்திகளுக்கு மவுனி ராய் கொடுத்த விளக்கம்
• 
  ஜோதிகாவின் ஹிந்தி படம் 'சிஸ்டம்' : 22ம் தேதி ஓடிடியில் வெளியாகிறது