Dinamalar

கவனம் ஈர்க்கும் சர்தார் உதம் சிங்

கடந்த 16ம் தேதி அமேசான் ப்ரைமில் வெளியான இந்திப் படம் சர்தார் உதம். இந்த படம் தற்போது இந்திய அளவில் மட்டுமல்ல, உலக அளவில் டிரண்டாகி வருகிறது. இந்தியாவை ஆங்கிலேயர்கள் ஆண்டபோது 1919ம் ஆண்டு பஞ்சாப் மாநிலம் ஜாலியன்வாலா பாக்கில் அமைதியான வழியில் போராடிய மக்களை ஜெனரல் டயர் என்ற ஆங்கில தளபதி கண்மூடித்தனமாக சுட்டுக் கொன்றான். இதில் ஆயிரக்கணக்கான மக்கள் கொல்லப்பட்டார்கள், பல்லாயிரக்கணக்கான மக்கள் படுகாயம் அடைந்தார்கள்.

இந்த படுபாதக செயலை செய்த ஜெனரல் டயர் பணி ஒய்வு பெற்று லண்டனில் வசித்து வந்தார். அவனை தேடிச் சென்று சுட்டுக் கொன்ற உதம் சிங் என்ற இளைஞனின் கதைதான் இந்த படம். இந்த படத்தின் கதை மட்டுமல்லாத அதை உருவாக்கிய விதம், பயன்படுத்தப்பட்ட வசனங்கள், நடித்தவர்களின் நடிப்பு, ஒளிப்பதிவு, இசை என எல்லா விதங்களிலும் படத்திற்கு பாராட்டு கிடைத்து வருகிறது.

உதம் சிங்காக பாலிவுட் நடிகர் விக்கி கவுசலும், பனிதா சந்து அவரது காதலி ரேஷ்மாவாகவும், ஹாலிவுட் நடிகர் ஷான் ஸ்கார் ஜெனரல் டயராகவும், ஸ்டீபன் கோஹன் லண்டன் உயர் போலீஸ் அதிகாரியாகவும், அமோல் பர்சார் பகத்சிங்காகவும் நடித்திருக்கிறார்கள்.

தற்போது இந்தியாவில் இருந்து ஆஸ்கருக்கு அனுப்ப தேர்வு செய்யப்பட்டுள்ள படங்கள் பட்டியலிலும் இந்த படம் இடம்பெற்றுள்ளது. அமேசான் தளத்தில் அதிக பார்வையாளர்களை கவர்ந்து முதல் இடத்திலும் இருக்கிறது. இந்தப் படம் தமிழ் சப் டைட்டிலுடன் வெளியாகி இருப்பது குறிப்பிடத்தக்கது.

• 
  அரசு உடன் கைகோர்ப்போம் : கமல் பதிவு
• 
  சூதாட்டத்தின் பின்னணியில் உருவாகியுள்ள விஜய்சேதுபதி படம்
• 
  18 வருடங்களுக்கு பிறகு விஜய் படத்தில் மீண்டும் இணைந்த யுகேந்திரன்
• 
  விஜய் தேவரகொண்டா - ராஷ்மிகா புகைப்படங்கள் குறித்து வருத்தம் தெரிவித்த ...
• 
  அனிமல் படத்தை புகழ்ந்து பதிவிட்டு உடனே நீக்கிய திரிஷா

• 
  மூன்று நாளில் ரூ.356 கோடி வசூல் செய்த அனிமல்
• 
  தோல்வி படத்துக்கு படக்குழுவிற்கு பார்ட்டி கொடுத்த ஆமிர்கான்
• 
  ரன்பீர் கபூருக்கு சூப்பர் ஸ்டார் பட்டம் கொடுத்தது ஏன்? - இயக்குனர் ...
• 
  'அனிமல்' முதல் நாள் வசூல் ரூ.116 கோடி என அறிவிப்பு
• 
  மறைந்த பிரதமர் இந்திரா உடன் உரையாடிய கங்கனா