Dinamalar

தி.மு.க.வில் சேரப்போகிறார் வடிவேலு!

வதந்தி : நடிகை குஷ்புவைத் தொடர்ந்து நடிகர் வடிவேலுவும் தி.மு.க.வில் சேரப்போகிறார்.
விசாரித்த உண்மை : இதில் பாதி உண்மை இருப்பதாகவே தகவல்கள் தெரிவிக்கின்றன. ஏற்கனவே விஜயகாந்துடன் பகையை வளர்த்துக் கொண்ட வடிவேலு, அவரை எதிர்த்து தேர்தலில் போட்டியிடுவேன், விஜயகாந்தை டெபாசிட் இழக்க வைப்பேன் என்றெல்லாம் வீர வசனம் பேசியது நினைவிருக்கலாம். விஜயகாந்தை எதிர்த்து தனி ஆளாக நின்றால் அது நிறை‌வேறாது. மேலும் அடுத்தடுத்து சர்ச்‌சைகளில் சிக்கி வரும் வடிவேலுவிடம், பேசாமல் ஆளுங்கட்சியில் சேர்ந்து விடுங்கள். எல்லா பிரச்னைகளும் தீர்ந்து விடும் என சிலர் யோசனை தெரிவித்து வருகிறார்களாம். ஆனால் வடிவேலுவிடம் இதுபற்றி கேட்டால், எந்த அரசியல் கட்சியிலும் சேரும் எண்ணம் இப்போதைக்கு இல்லை. என்னை தி.மு.க.வில் இணையும்படி யாரும் வற்புறுத்தவும் இல்லை. மக்களுடன் மக்களாக இருந்து அனைவரையும் சந்தோஷப்படுத்த வேண்டும் என்றுதான் நினைக்கிறேன். தி.மு.க.வில் சேர வேண்டுமென முடிவெடுத்தால் அந்த முடிவில் இருந்து என்னை யாரும் தடுத்து விடமுடியாது, என்று கூறுகிறார். (நெருப்பில்லாமல் புகையாதே!)

• இவரை பற்றி
• செய்திகள்
• ஆல்பம்